Pleg-mor Thailand, anvet gwechall pleg-mor Siam (อ่าวไทย Ao Thai e taieg ; Teluk Siam en indonezeg ; ឈូងសមុទ្រសៀម, Chhoung Samut Siem e kmereg), zo ur pleg-mor eus Azia.
En em astenn a ra war ur gorread 320 000 km².
En-dro dezhañ emañ Malaysia, Thailand, Kambodja ha Vietnam. E goueled ar pleg-mor, en norzh, emañ bae Bangkok. Er su eo bevennet gant ul linenn a dap eus beg su Vietnam (Mũi Cà Mau) betek aber ar stêr Kelantan e-kichen kêr Kota Bharu e Malaysia. Er gevred emañ Mor Su Sina.
N'eo ket gwall zon ar mor ennañ, pa dap 80 metr donder d'ar muiañ. E dibenn oadvezh diwezhañ ar skorn e oa douaroù eno ha ne oant ket beuzet.
Koural zo, ha meur a enezenn, ma teu kalzik a douristed da splujañ en dour tomm.
This article uses material from the Wikipedia Brezhoneg article Pleg-mor Thailand, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.