Sistem saraf adolah sistem organ pado hewan nan tadiri dari serabut saraf nan tasusun ateh sel-sel saraf nan saliang tahubuang dan esensial untuak persepsi sensoris indrawi, aktivitas motorik volunter jo involunter organ atau jaringan tubuh, dan homeostasis babagai proses fisiologis tubuh.
Sistem saraf marupoan jaringan nan paliang rumik jo nan paliang paralu karano tasusun dari jutaan sel saraf (neuron) nan saling tahubuang jo vital untuak pakambangan bahaso, pikiran jo ingatan. Satuan kerja utamo dalam sistem saraf adolah neuron nan diikek dek sel-sel glia.
Sistem saraf pado vertebrata sacaro umum dibagi manjadi duo yoitu sistem saraf pusek (SSP) jo sistem saraf tapi (SST). SSP tadiri dari utak jo sumsum tulang balakang. SST utamonyo tadiri dari saraf, nan marupoan serat panjang nan mahubungan SSP ka satiok bagian dari tubuh. SST maliputi saraf motorik, memediasi pergerakan pergerakan volunter (disadari), sistem saraf otonom, maliputi sistem saraf simpatis, sistem saraf parasimpatis, jo fungsi regulasi (pengaturan) involunter (tanpa disadari) jo sistem saraf enterik (pencernaan), sabuah bagian nan semi-bebas dari sistem saraf nan fungsinyo adolah untuak mangontrol sistem pencernaan.
This article uses material from the Wikipedia Minangkabau article Sistem saraf, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.