Samoa
Samoa atau sacaro rasmi Nagara Mardeka Samoa, sarato hinggo tahun 1997 dikenal sabagai Samoa Barat, adolah sabuah nagara kapulauan di Polinesia.
Jo laweh 2.842 km2 (1.097 sq mi), nagara ko babatehan di barat jo Samoa Amerika, timur laut Tonga jo Fiji, timur Wallis jo Futuna, tenggara Tuvalu, selatan Tokelau, barat daya Hawaii, sarato barat laut Niue. Ibu kota jo kota tagadangnyo iolah Apia. Pulau-pulau Samoa sacaro geologis dihasiakan dek aktivitas vulkanik nan baasa dari titik paneh Samoa, nan mungkin disababkan oleh bulu mantel.
Politik Samoa balansuang dalam karangko nagara demokrasi perwakilan parlementer dimano Pardana Mantari manjadi kapalo pamarentahan nagara. Kuaso legislatif dipacik dek Majelis Legislatif nan mampunyoi anggota 51, namun dapek ditambah hinggo 5 lai untuak mamastian 10% kursi untuak padusi. 49 dari 51 tu harus urang Samoa atau matai, jo nan 2 lai untuak urang non-Samoa. Anggota Dewan dipiliah sacaro lansuang.
Pado sensus tahun 2021, nagara ko bapanduduak 205.557 jiwa, nan sapatigonyo tingga di pulau utamo, Upolu. 96% dari panduduaknyo urang Samoa, 2% urang Samoa-Selandia Baru, jo 1,9% lainnyo pado tahun 2011.
Rujukan
This article uses material from the Wikipedia Minangkabau article Samoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.