Samoa (do 1997 oficielnje Zapadna Samoa) je njewotwisny kupowy stat w zapadnym dźělu Ćicheho oceana, kotryž wobsteji ze zapadnych Samoaskich kupow, mjeztym zo słušeja wuchodne kupy jako Ameriska Samoa k Zjednoćenym statam.
Samoa bu w lěće 1962 njewotwisna wot Nowoseelandskeje a ma nimale 200.000 wobydlerjow.
hesło Faʻavae i le Atua Sāmoa | |
zakładne daty: | |
swójske mjeno | Malo Saʻoloto Tutoʻatasi o Sāmoa Independent State of Samoa |
stolica | Apia |
přestrjeń | 2.842 km² |
wobydlerstwo | 197.773 (2015) |
hustosć | 69,6 wob./km² |
forma knježerstwa | parlamentariska republika |
hłowa stata | O le Ao o le Malo Tuimalealiʻifano Vaʻaletoa Sualauvi II |
šef knježerstwa | ministerska prezidentka Naomi Mata'afa |
měna | 1 Tala = 100 Sene |
hamtska rěč | samoašćina a jendźelšćina |
hymna | The Banner of Freedom |
časowe pasmo | UTC+13 |
njewotwisnosć | 1. januara 1962 wot Nowoseelandskeje |
Top Level Domain | .ws |
telefon | +685 |
awtowa značka | WS |
Połoženje Samowy na zemi | |
Republika Samoa słuša ke Commonwealthej a je čłon Zjednoćenych narodow.
Samoa leži w juhozapadnym Pacifiku, sewjerowuchodnje wot Fidźija. Najwjetšej kupje stej Savai'i (1708 km²) a Upolu (1118 km²), hdźež namakatej so samoaska stolica Apia a mjezynarodne lětanišćo. Dalšej wobsydlenej kupje stej Manono a Apolima. Dalše mjeńše kupy njejsu stajnje wobsydlene. Wjetše kupy archipela su wulkaniskeho pochada, mjeńše nastachu z koralowych rifow.
Na kupach knježi tropisko-oceaniska klima z dešćowym a suchim časom. Přerězna temperatura leži pola 27 stopnjow. Dla swojeho geografiskeho połoženja je Samoa wot hurrikanow a tsunamijow wohrožena.
This article uses material from the Wikipedia Hornjoserbsce article Samoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.