Bahaso Kurinci (Melayu: Bahasa Kerinchi; Jawi: بهاس كرينچي) adolah variasi bahaso Melayik nan digunokan urang Kurinci di sakitar wilayah Sungai Penuh jo Kabupaten Kerinci, Jambi, Malaysia jo lainnyo.
Bahaso ko tamasuak dalam rumpun bahaso Austronesia. Ragam dialeknyo amaik tinggi kok dicaliak dari wilayah panutuanyo nan ketek, tiok kampuang mampunyoi dialeknyo surang.
Kurinci | |
---|---|
Baso Kinci (hulu), Baso Kincai (hilir) بهاس كرينچي | |
Ditutuakan di | Indonesia Malaysia |
Rantau | Di sakitar wilayah Sungai Penuh jo Kabupaten Kerinci, Kabupaten Bungo, Kabupaten Merangin, Jambi, Riau, Sumatera Barat, Kuala Lumpur, Malaysia |
Jumalah panutua | 285.000 260.000 di Indonesia (2000) (indak ado tanggal) |
Rumpun bahaso | Austronesia
|
Sistim panulihan | Aksara Incung Abjaik Jawi |
Kode-kode bahaso | |
ISO 639-1 | - |
ISO 639-2 | - |
ISO 639-3 | kvr |
Daulu bahaso ko ditulih jo aksara Rencong atau Incung. Hal ko tampak dari banyak benda sijarah nan di atehnyo tatulih bahaso Kurinci baaksara incung. Namun kini, indak banyak urang Kurinci nan pandai manulih jo mambaco aksara iko. Tulisan ko masih dijago dek pamarintah satampek jo pamakaiannyo pado panulisan namo jalan jo tampek di Kerinci jo Sungai Penuh.
Dalam bahaso Kurinci ado kato benda, kato sipaik, jo kato karajo. Kato-kato dalam bahaso Kurinci maalami parubahan bantuak manuruik ubuangan sabuah kato jo kato-kato lainnyo dalam sabuah frasa atau kalimaik. Parubahan bantuak ko manjadi ciri khas bahaso Kurinci nan indak dipunyoi bahaso-bahaso Malayik lainnyo. Ado duo bantuak kato, diantaronyo:
Bantuak absolut marupokan bantuak netral dari sabuah kato, dapek diinterpretasikan sabagai bantuak umum atau dasanyo. Sadangkan bantuak oblik marupokan bantuak nan labiah spesifik atau tarikek bagantuang pado konteks frasa atau kalimaiknyo. Contohnyo:
Minang | Kurinci | |||
---|---|---|---|---|
Absolut | Contoh frasa | Oblik | Contoh frasa | |
rumah | umah | umahnyo gadeang rumahnyo gadang | umoh | umoh gadeang rumah gadang |
tanah | tanah | nyo mlei tanah inyo bali tanah | tanoh | tanohnyo datua tanahnyo data |
jawi | jawi | jawinyo tideu jawinyo tidua | jawoy | Nyo mlei jawoy inyo bali jawi |
Kato ganti urang
Kato tanyo
Kato karajo
(Inggirih) Bahaso Kurinci di Ethnologue
This article uses material from the Wikipedia Minangkabau article Bahaso Kurinci, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.