Pulau Belibis

Wisato alam Pulau Belibis ko salah satu tampek wisato nan unik, karano manggabuangkan pasona kaindahan alam jo fasilitas tampek mamanciang. Jadi, tampek ko mampunyoi daya tarik pangunjuang.

Pulau belibis marupoan wisato nan legenda di Kota Solok nan mulai dikambangkan sajak tahun 80-an, bahkan almarhum Syamsi Hasan sabagai musisi Minang mambuek lagu spesial untuak Pulau Belibis ko.

Sabalun dikalola, daerah ko hanyo tanaman mati suri, dan dulunyo daerah ko indak banyak dikatahui urang. Dan kamudiannyo urang satampek jo Pemko Solok mampaelokan daerah ko, sahinggo manjadi tampek wisato. Wisato Pulau Belibis ko mampunyoi wilayah salaweh 4 hektar. Wisato Pulau Belibis punyo namo, karano dulunyo ado banyak Buruang Belibis yang iduik di danau ketek ko. Tapi kini, indak ado Buruang Belibis, daerahnyo masih asri dan baudaro sajuak sahinggo cocok sabagai tampek balibur kaluarga. Sambia basantai, pangunjuang bisa mancaliak kaindahan dan batang kayu, nan mambuek pikiran manjadi tanang.

Tampek lokasi pulau belibis ko barado di sabalah selatan Pasa Solok, dakek dari arena pacu kudo nan banamo Ampang Kualo. Jarak dari pasa Solok hanyo kiro-kiro 2 km. lokasinyo bisa di jangakau jo manggunoan kandaraan atau bajalan kaki. Pajalan dari Pasa Solok jo kandaraan hanyo mamakan wakatu 10 minik. Jalur ka wisato ko agak mananjak, dan jalannyo alah di aspal, hanyo barupo tanjakan ringan.

Pulau Balibis ko punyo tampek bamain aia. Sahinggo, bagi nan suko bamain aia bisa malapean hobinyo. Bagi nan indak suko bamain aia, bisa baranang di kolom baranang Samalero atau bamain nan manyanangkan hati di Bukik Payo nan indak jauah dari danau.

Untuak nan suko tantangan, dakek Pulau Belibis ko ado Taman Pramuka. Salain itu, ado pulo taman bamain untuak anak-anak, tampek duduak nan nyaman sahinggo sanang untuak liburan.

Pulau Belibis ko punyo tampek kadai makan dan manjua aia minum, Sahinggo murah untuak maisi paruik kalau lapa. Kini wisato ko lagi di paelokan supayo bisa labiah banyak maundang urang asiang, dulunyo wisato ko di jauahkan urang asiang karano kurang tarawat. Kini ko wisato ko alah samakin maningkek karano tampeknyo alah mulai elok.

Disiko tadapek sabuah talago nan cukuik gadang, di talago pangujuang bisa bamain parahu itiak jo balon aia anak-anak sampai pueh jo biaya hanyo 10 perwahana. Untuak masuak ka wisato ko, biaya pakir kandaraannyo. untuak onda Rp. 2000, kalau untuak oto Rp.5000.