ᱞᱤᱭᱚᱱᱟᱨᱫᱚ ᱫᱟ ᱵᱷᱤᱧᱪᱤ
ᱞᱤᱭᱚᱱᱟᱨᱫᱟ ᱵᱷᱮᱱᱪᱤ ᱜᱚᱴᱟ ᱧᱩᱛᱩᱢ Leonardo di ser Piero da Vinci (᱑᱕ ᱮᱯᱨᱤᱞ ᱑᱔᱕᱒ - ᱒ ᱢᱮ ᱑᱕᱑᱙) ᱫᱚ ᱤᱴᱟᱞᱤᱭᱚ ᱨᱮᱱᱮᱥᱟᱸᱥ ᱨᱮᱱ ᱟᱹᱰᱤ ᱢᱟᱨᱟᱝ ᱪᱤᱛᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱪᱤᱛᱟᱹᱨ ᱛᱮᱭᱟᱨ ᱪᱷᱟᱰᱟ ᱦᱚᱸ ᱟᱹᱰᱤ ᱟᱭᱢᱟ ᱜᱩᱱ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱯᱷᱞᱳᱨᱮᱱᱥᱮᱨ ᱵᱷᱤᱧᱪᱤ ᱥᱚᱦᱚᱨ ᱨᱮ ᱢᱤᱫᱴᱟᱹᱝ ᱟᱛᱳ ᱨᱮ ᱦᱩᱭ ᱞᱮᱱᱟ ᱾ ᱟᱡᱟᱜ ᱠᱟᱹᱢᱤ ᱵᱷᱤᱛᱨᱤᱨᱮ ᱢᱳᱱᱟᱞᱤᱥᱟ, ᱫᱟ ᱞᱟᱥᱴ ᱥᱟᱯᱟᱨ ᱫᱚ ᱦᱩᱭᱩᱜ ᱠᱟᱱᱟ ᱢᱟᱨᱟᱝ ᱠᱟᱹᱢᱤ ᱾ ᱢᱤᱢᱤᱫ ᱚᱠᱛᱚ ᱨᱮ ᱯᱟᱨᱟᱪᱩᱴ, ᱦᱤᱞᱤᱠᱟᱯᱴᱟᱨ ᱟᱨ ᱴᱭᱟᱸᱠ ᱥᱤᱨᱤᱡᱽ ᱨᱮ ᱦᱚᱸ ᱟᱡᱟᱜ ᱧᱩᱢ ᱨᱟᱠᱟᱵᱚᱜᱼᱟ ᱾
| ᱞᱤᱭᱚᱱᱟᱨᱫᱚ ᱫᱟ ᱵᱷᱤᱧᱪᱤ | |
|---|---|
 | |
| ᱡᱟᱱᱟᱢ | ᱑᱕ ᱮᱯᱨᱤᱞ ᱑᱔᱕᱒ ᱵᱷᱤᱧᱪᱤ, ᱯᱷᱞᱳᱨᱮᱱᱥ, ᱤᱴᱟᱞᱤ |
| ᱠᱟᱹᱢᱤ | ᱪᱤᱛᱟᱹᱨᱤᱭᱟᱹ |
| ᱠᱟᱹᱢᱤᱠᱚᱛᱟᱭ | ᱢᱳᱱᱟᱞᱤᱥᱟ, ᱫᱟ ᱞᱟᱥᱴ ᱥᱟᱯᱟᱨ, ᱵᱷᱤᱠᱨᱩᱵᱷᱤᱭᱟᱱᱳ ᱢᱟᱱᱚᱵᱽ, ᱞᱮᱰᱤ ᱩᱭᱤᱛᱷ ᱮᱱ ᱮᱨᱢᱟᱭᱤᱱ |
| ᱵᱚᱸᱜᱟ ᱛᱟᱞᱟ | ᱒ ᱢᱮ ᱑᱕᱑᱙ |
| ᱥᱩᱦᱤ |  |
ᱡᱤᱭᱚᱱ
ᱵᱟᱞᱮ ᱚᱠᱛᱚ
ᱞᱤᱭᱚᱱᱟᱨᱫᱚ ᱫᱚ ᱑᱔᱕᱒ ᱥᱮᱨᱢᱟ ᱨᱮᱱᱟᱜ ᱑᱕ ᱮᱯᱨᱤᱞ ᱧᱤᱫᱟᱹᱭ ᱡᱟᱱᱟᱢ ᱞᱮᱱᱟ ᱾ ᱛᱩᱥᱠᱟᱱ ᱨᱮᱱᱟᱜ ᱵᱩᱨᱩ ᱫᱤᱥᱚᱢ ᱵᱷᱤᱧᱪᱤ ᱨᱮ ᱟᱨᱱᱚ ᱜᱟᱰᱟ ᱟᱲᱮ ᱟᱛᱳ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱯᱤᱭᱮᱨᱟ ᱫᱟ ᱵᱷᱤᱧᱪᱤ ᱟᱨ ᱠᱮᱴᱨᱤᱱᱟ ᱧᱩᱛᱩᱢᱟᱱ ᱟᱭᱳ ᱨᱮᱱ ᱵᱤᱫᱷᱩᱣᱟᱹ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱞᱤᱭᱚᱱᱟᱨᱫᱚ ᱾ ᱩᱱᱤᱭᱟᱜ ᱵᱟᱞᱮ ᱚᱠᱛᱚ ᱨᱮᱱᱟᱜ ᱢᱚᱬᱮ ᱥᱮᱨᱢᱟ ᱫᱚ ᱟᱱᱥᱤᱭᱟᱱᱳ ᱧᱩᱛᱩᱢᱟᱱ ᱢᱤᱫᱴᱟᱹᱝ ᱠᱟᱹᱴᱤᱡ ᱴᱚᱞᱟ ᱨᱮ ᱯᱟᱨᱚᱢ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ ᱟᱡ ᱵᱟᱵᱟ, ᱜᱚᱲᱚᱢ ᱵᱩᱰᱷᱤ ᱟᱨ ᱟᱡ ᱦᱚᱯᱚᱱ ᱵᱟ ᱥᱟᱶᱛᱮ ᱯᱷᱨᱟᱱᱥᱤᱥᱠᱳᱭ ᱪᱟᱞᱟᱣ ᱞᱮᱱᱟ ᱾ ᱚᱸᱰᱮ ᱟᱡ ᱵᱟᱵᱟ ᱮᱞᱵᱤᱨᱟ ᱧᱩᱛᱩᱢᱟᱱ ᱢᱤᱫᱴᱟᱹᱝ ᱠᱩᱲᱤ ᱵᱟᱯᱞᱟ ᱮᱱᱟ ᱾ ᱟᱫᱚ ᱩᱱᱤ ᱠᱟᱹᱴᱤᱡ ᱞᱤᱭᱚᱱᱟᱨᱫᱚ ᱟᱹᱰᱤ ᱟᱸᱴ ᱮ ᱫᱩᱞᱟᱹᱲ ᱞᱮ ᱫᱮ ᱛᱟᱦᱮᱸᱱᱟ ᱾ ᱟᱫᱚ ᱤᱱᱟᱹ ᱠᱤᱪᱷᱩ ᱫᱤᱱ ᱛᱟᱭᱚᱢ ᱜᱮ ᱩᱱᱤ ᱫᱚᱥᱟᱨ ᱜᱚᱜᱚ ᱫᱚᱭ ᱵᱚᱸᱜᱟ ᱛᱟᱞᱟᱭᱱᱟ ᱾ ᱞᱤᱭᱚᱱᱟᱨᱫᱚ ᱟᱜ ᱵᱟᱞᱮ ᱚᱠᱛᱚ ᱨᱮᱭᱟᱜ ᱱᱟᱜᱟᱢ ᱫᱚ ᱟᱹᱰᱤ ᱵᱟᱹᱲᱛᱤ ᱫᱚ ᱵᱟᱝᱠᱚ ᱵᱟᱰᱟᱭ ᱧᱟᱢ ᱟᱠᱟᱫᱼᱟ ᱾
ᱵᱷᱟᱥᱟᱨᱤ ᱧᱩᱛᱩᱢᱟᱱ ᱢᱤᱫᱴᱟᱹᱝ ᱚᱱᱚᱞᱤᱭᱟᱹ ᱟᱜ ᱚᱱᱚᱞ ᱠᱷᱚᱡ ᱧᱮᱞᱚᱜᱼᱟ ᱡᱮ ᱢᱤᱫᱴᱟᱹᱝ ᱦᱚᱲ ᱢᱤᱫ ᱫᱤᱱ ᱞᱤᱭᱚᱱᱟᱨᱫᱚ ᱟᱡ ᱵᱟᱵᱟᱭ ᱢᱮᱛᱟᱣ ᱫᱮ ᱛᱟᱦᱮᱸᱱᱟ ᱡᱮ ᱟᱢ ᱨᱮᱱ ᱜᱤᱫᱽᱨᱟᱹ ᱫᱚ ᱢᱤᱫᱴᱟᱹᱝ ᱪᱤᱛᱟᱹᱨ ᱵᱮᱱᱟᱣ ᱚᱪᱚᱭᱮ ᱢᱮ ᱾ ᱟᱫᱚ ᱚᱱᱟ ᱠᱷᱟᱹᱛᱤᱨ ᱛᱮ ᱜᱮ ᱞᱤᱭᱚᱱᱟᱨᱫᱚ ᱢᱤᱫᱴᱟᱹᱝ ᱪᱤᱛᱟᱹᱨ ᱮ ᱵᱮᱱᱟᱣ ᱞᱮᱫᱼᱟ ᱾ ᱚᱱᱟ ᱪᱤᱛᱟᱹᱨ ᱨᱮ ᱢᱤᱫᱴᱟᱹᱝ ᱵᱤᱧ ᱟᱜ ᱢᱚᱪᱟ ᱠᱷᱚᱱ ᱥᱮᱸᱜᱮᱸᱞ ᱚᱰᱚᱠᱚᱜ ᱠᱟᱱᱟ ᱾ ᱚᱱᱟ ᱪᱤᱛᱟᱹᱨ ᱟᱹᱰᱤ ᱢᱚᱡᱽ ᱞᱮᱱ ᱠᱷᱟᱹᱛᱤᱨ ᱟᱡ ᱵᱟᱵᱟ ᱵᱮᱥ ᱫᱟᱢ ᱛᱮᱭ ᱟᱹᱠᱷᱨᱤᱧ ᱞᱮᱫᱼᱟ ᱾
ᱚᱞ ᱯᱟᱲᱦᱟᱣ
ᱞᱤᱭᱚᱱᱟᱨᱫᱚ ᱫᱟ ᱵᱷᱤᱧᱪᱤ ᱤᱥᱠᱩᱞ ᱨᱮ ᱫᱚ ᱵᱟᱭ ᱯᱟᱲᱦᱟᱣ ᱟᱠᱟᱱᱟ ᱾ ᱚᱲᱟᱜ ᱨᱮᱜᱮ ᱡᱟᱦᱟ ᱯᱟᱲᱦᱟᱣ ᱟᱠᱟᱱᱟᱭ ᱾ ᱟᱫᱚ ᱩᱱᱤ ᱫᱚ ᱵᱟᱨᱦᱮ ᱨᱮ ᱫᱟᱲᱟᱱ ᱟᱹᱰᱤ ᱨᱟᱹᱥᱠᱟᱹᱜᱮᱭ ᱵᱩᱡᱷᱟᱹᱣ ᱮᱛ ᱛᱟᱦᱮᱸᱱᱟ ᱾ ᱟᱡᱟᱜ ᱑᱔ ᱥᱮᱨᱢᱟ ᱩᱢᱮᱨ ᱨᱮ ᱟᱲᱟᱜ ᱠᱷᱚᱡ ᱩᱱᱤ ᱫᱚ ᱵᱷᱮᱨᱳᱪᱪᱤ ᱧᱩᱛᱩᱢᱟᱱ ᱞᱟᱹᱴᱩ ᱪᱤᱛᱟᱹᱨᱤᱭᱟᱹ ᱜᱩᱨᱩ ᱴᱷᱮᱱ ᱠᱚ ᱠᱩᱞ ᱠᱮᱫᱮᱭᱟ ᱾ ᱚᱱᱟ ᱛᱟᱭᱚᱢ ᱜᱮ ᱞᱤᱭᱚᱱᱟᱨᱫᱚ ᱟᱜ ᱜᱩᱱ ᱠᱚ ᱫᱚ ᱯᱟᱥᱱᱟᱣ ᱮᱱᱟ ᱾
ᱵᱷᱮᱨᱤᱪᱪᱤᱣ ᱟᱜ ᱠᱟᱹᱢᱤᱨᱮ ᱵᱚᱞᱚᱜ
ᱵᱷᱮᱨᱤᱪᱪᱤᱣ ᱧᱤᱛᱩᱢᱟᱱ ᱪᱤᱛᱟᱹᱨ ᱜᱩᱨᱩ ᱴᱷᱮᱱ ᱑᱔ ᱵᱚᱪᱷᱚᱨ ᱵᱚᱭᱚᱥ ᱨᱮ ᱞᱤᱭᱚᱱᱟᱨᱫᱚ ᱠᱟᱹᱢᱤᱭ ᱵᱚᱞᱚᱭᱮᱱᱟ᱾ ᱩᱱᱤ ᱴᱷᱮᱱ ᱠᱟᱹᱢᱤ ᱵᱚᱞᱚ ᱠᱟᱛᱮ ᱜᱮ ᱞᱤᱭᱚᱱᱟᱨᱫᱚ ᱪᱤᱛᱟᱹᱨ ᱵᱮᱱᱟᱣ ᱥᱟᱶ ᱥᱟᱶᱛᱮ ᱮᱴᱟᱜ ᱟᱭᱢᱟ ᱞᱮᱠᱟᱱ ᱠᱟᱹᱢᱤᱠᱩ ᱦᱚᱸᱭ ᱪᱤᱫᱡᱚᱝ ᱠᱮᱫᱟ᱾ ᱟᱭᱟᱜ ᱧᱤᱛᱩᱢ ᱦᱚᱸ ᱦᱟᱱᱛᱮ ᱱᱟᱛᱮ ᱯᱟᱱᱥᱟᱣ ᱮᱦᱚᱵ ᱮᱱᱟ᱾
ᱠᱟᱹᱢᱤ ᱚᱠᱛᱚ ᱨᱮᱭᱟᱜ ᱡᱤᱭᱚᱱ
᱑᱔᱗᱖ ᱥᱮᱨᱢᱟ ᱞᱟᱦᱟ ᱠᱤᱪᱷᱩ ᱥᱮᱨᱢᱟ ᱞᱤᱭᱚᱱᱟᱨᱫᱚ ᱚᱠᱟ ᱨᱮ ᱛᱟᱦᱮᱸ ᱠᱟᱱᱟ ᱥᱮ ᱪᱮᱫ ᱮ ᱪᱮᱠᱟᱭᱮᱝ ᱛᱟᱦᱮᱸᱱᱟ ᱚᱱᱟ ᱫᱚ ᱚᱠᱚᱭ ᱦᱚᱸ ᱵᱟᱠᱚ ᱵᱟᱰᱟᱭᱟ ᱾ ᱑᱔᱗᱘ ᱠᱷᱚᱱ ᱑᱔᱘᱑ ᱥᱮᱨᱢᱟ ᱨᱮ ᱟᱡᱟᱜ ᱠᱟᱹᱢᱤ ᱚᱲᱟᱜ ᱨᱮᱜᱮᱭ ᱠᱟᱹᱢᱤ ᱞᱮᱫᱼᱟ ᱾ ᱤᱱᱟᱹ ᱯᱚᱨ ᱑᱔᱘᱒ ᱠᱷᱚᱱ ᱑᱔᱙᱙ ᱥᱮᱨᱢᱟ ᱫᱷᱟᱹᱵᱤᱡ ᱢᱤᱞᱟᱱ ᱨᱮ ᱠᱟᱹᱢᱤ ᱞᱮᱫᱼᱟ ᱾
ᱪᱤᱛᱟᱹᱨ ᱵᱮᱱᱟᱣ
ᱞᱤᱭᱚᱱᱟᱨᱫᱚ ᱟᱡᱟᱜ ᱡᱤᱭᱚᱱ ᱨᱮ ᱟᱭᱢᱟ ᱵᱷᱟᱜᱮ ᱵᱷᱟᱜᱮ ᱪᱤᱛᱟᱹᱨ ᱮ ᱵᱮᱱᱟᱣ ᱞᱮᱫᱼᱟ ᱾ ᱚᱱᱟ ᱵᱷᱤᱛᱨᱤ ᱨᱮ ᱥᱟᱞᱵᱷᱟᱛᱚᱨ ᱢᱩᱱᱰᱤ ᱟᱹᱰᱤ ᱧᱩᱛᱩᱢᱟᱱ ᱪᱤᱛᱟᱹᱨ ᱠᱟᱱ ᱛᱟᱭᱟ ᱾ ᱟᱨ ᱟᱵᱚ ᱢᱟᱹᱱᱢᱤ ᱡᱟᱦᱟᱸ ᱢᱳᱱᱟᱞᱤᱥᱟ ᱢᱮᱱᱛᱮ ᱵᱚ ᱵᱟᱰᱟᱭᱟ ᱩᱱᱤᱭᱟᱜ ᱪᱤᱛᱟᱹᱨ ᱦᱚᱸ ᱞᱤᱭᱚᱱᱟᱨᱫᱚᱭ ᱜᱮ ᱵᱮᱱᱟᱣ ᱞᱮᱫᱼᱟ ᱾
ᱤᱸᱡᱤᱱᱤᱭᱟᱹᱨ ᱟᱨ ᱥᱤᱨᱤᱡᱽ
ᱢᱩᱪᱟᱹᱫ ᱚᱠᱛᱚ ᱨᱮᱭᱟᱜ ᱡᱤᱭᱚᱱ
ᱞᱤᱭᱚᱱᱟᱨᱫᱚ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱢᱩᱪᱟᱹᱫ ᱚᱠᱛᱚ ᱨᱮ ᱢᱮᱱ ᱫᱚ ᱑᱕᱑᱓ ᱠᱷᱚᱱ ᱑᱕᱑᱙ ᱥᱮᱨᱢᱟ ᱨᱮ ᱑᱐ ᱱᱟᱢᱵᱟᱨ ᱯᱳᱯ ᱴᱷᱮᱱᱮ ᱛᱟᱦᱮᱸ ᱠᱟᱱᱟ ᱾ ᱨᱟᱡᱟ ᱯᱷᱨᱟᱱᱥᱤᱥ ᱢᱤᱞᱟᱱ ᱮ ᱫᱚᱠᱷᱚᱞ ᱠᱮᱫ ᱠᱷᱟᱱ ᱩᱱᱤᱭᱟᱜ ᱟᱹᱭᱩᱨ ᱨᱮ ᱞᱤᱭᱚᱱᱟᱨᱫᱚᱭ ᱛᱟᱦᱮᱸ ᱞᱮᱱᱟ ᱾ ᱟᱫᱚ ᱩᱱ ᱡᱚᱠᱷᱚᱡ ᱨᱟᱡᱟᱣᱟᱜ ᱚᱲᱟᱜ ᱟᱲᱮ ᱨᱮᱜᱮ 'ᱠᱞᱚᱥ ᱞᱩᱭᱤᱥ' ᱧᱩᱛᱩᱢᱟᱱ ᱚᱲᱟᱜ ᱨᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱱᱟ ᱾ ᱚᱸᱰᱮ ᱜᱮ ᱑᱕᱑᱙ ᱥᱮᱨᱢᱟ ᱨᱮᱱᱟᱜ ᱒ ᱢᱮ ᱵᱚᱸᱜᱟ ᱨᱮ ᱛᱟᱞᱟ ᱮᱱᱟ ᱾
ᱵᱟᱨᱦᱮ ᱡᱚᱱᱚᱲ
- Leonardo da Vinci: Experience, Experiment, Design (review) Archived ᱒᱐᱐᱙-᱐᱕-᱐᱓ at the Wayback Machine.
- Leonardo da Vinci-এর সাহিত্যকর্ম ও রচনাবলী - গুটেনবের্গ প্রকল্প
- Complete text & images of Richter's translation of the Notebooks
- Vasari Life of Leonardo Archived ᱒᱐᱐᱙-᱐᱓-᱑᱗ at the Wayback Machine.: in Lives of the Most Eminent Painters, Sculptors, and Architects.
- Web Gallery of Leonardo Paintings
- Drawings of Leonardo da Vinci
- Da Vinci Decoded Article from The Guardian
- The true face of Leonardo Da Vinci?
- Leonardo da Vinci's Ethical Vegetarianism
- The Notebooks of Leonardo da Vinci
- Leonardo da Vinci at BBC Science
ᱥᱟ. ᱠᱷᱭᱟ. ᱛ
This article uses material from the Wikipedia ᱥᱟᱱᱛᱟᱲᱤ article ᱞᱤᱭᱚᱱᱟᱨᱫᱚ ᱫᱟ ᱵᱷᱤᱧᱪᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.