ອາເລັກຊານດຣ້າ ທິດາວັນ ບຸນຊ່ວຍ
ອາເລັກຊານດຣ້າ ທິດາວັນ ບຸນຊ່ວຍ (ອັງກິດ : Alexandra Thidavang Bounxouei) ຊື່ຫຼິ້ນ ອາເລັກຊານດຣ້າ ເປັນນັກຮ້ອງແລະນັກສະແດງຍິງຊາວລາວ ມີຊື່ສຽງທັງຢູ່ລາວແລະຕ່າງປະເທດ.
| ອາເລັກຊານດຣ້າ ບຸນຊ່ວຍ | |
 | |
| ຊື່ຫຼີ້ນ | ອາເລັກ ຊານດຣ້າ |
| ເກີດ | 28 ພຶດສາພາ 1987 (32 ປີ) |
| ອາຊີບ | ນັກສະແດງ ນັກຮ້ອງ |
| ປີທີ່ສະແດງ | ຄ.ສ. 2007 - ປະຈຸບັນ |
| ຜົນງານເດັ່ນ | ຈຳປາ ຈາກ ເພງຮັກລິມຝັ່ງໂຂງ (2007) ໜ້າກາກຊາກຸລະ ຈາກ The Mask Singer Thailand 3 |
ປະຫວັດ
ອາເລັກຊານດຣ້າ ທິດາວັນ ບຸນຊ່ວຍ ນັກສະແດງຍິງຊາວລາວນັບຖືສາສະໜາຄິດ ເປັນລູກສາວຂອງຂອງ ບຸນທະວີໄຊ ບຸນຊ່ວຍ ພໍ່ຊາວລາວ ແລະ ໂຈດານາ ອິອໍຣ໌ດັງກາ ແມ່ຊາວເບົາແກເຣຍ. ຊານດຣ້າຈົບການສຶກສາລະດັບອຸດົມມະສຶກສາຈາກຄະນະມະນຸດທະສາດ ພາກພາສາອັງກິດ ຈາກມະຫະວິທະຍາໄລລາວອາເມຣິກາ ນະຄອນຫຼວງວຽງຈັນ ແລະ ສຶກສາຕໍ່ລະດັບປະລິນຍາໂທທີ່ ມະຫາວິທະຍາໄລເຄໂອ ປະເທດຍີ່ປຸ່ນ.
ຊານດຣ້າເຕີບໂຕໃນຄອບຄົວນັກດົນຕີ ປູ່ຂອງຊານດຣ້າ ບຸນທະມາລີ ບຸນຊ່ວຍ ເປັນຜູ້ແຕ່ງເນື້ອຮ້ອງແລະທຳນອງເພງອຳມະຕະ ເພງກຸຫຼາບປາກເຊ ແລະ ເພງສາຍລົມເຢັນ ສ່ວນພໍ່ເຖົ້າເປັນນັກຮ້ອງແລະນັກກີຕ້າຊາວເບົາແກເຣຍ. ພໍ່ຂອງຊານດຣ້າ ບຸນທະວີໄຊ ບຸນຊ່ວຍ ໄດ້ທຶນໄປຮຽນດ້ານການສອນດົນຕີທີ່ປະເທດເບົາແກເຣຍເປັນເວລາ 10 ປີ ຈົນໄດ້ພົບກັບແມ່ຂອງຊານດຣ້າ ໂຈດານາ ອິອໍຣ໌ດັງກາ ທີ່ຮຽນເປຍໂນຢູ່ນັ້ນ ເມື່ອຕອນຊານດຣ້າ ອາຍຸ 1 ປີ ພໍ່ກັບແມ່ຍັງຮຽນບໍ່ຈົບເລີຍຕັດສິນໃຈກັບມາປະເທດລາວເພື່ອບຸກເບີກການສອນດົນຕີຄລາສສິກໃນລາວ ໂດຍການເປັນຄູສອນເປຍໂນໃນໂຮງຮຽນສອນສິລະປະດົນຕີຂອງລາວຕັ້ງແຕ່ຍຸກກໍ່ຕັ້ງ ປັດຈຸບັນພໍ່ຂອງຊານດຣ້າມີຕຳແໜ່ງຮອງຜູ້ອຳນວຍການ.
ເມື່ອຕອນທີ່ຊານດຣ້າອາຍຸ 3 ປີ ຊານດຣ້າໄດ້ອອກຜົນງານອາລະບ້ຳເພງເຊິ່ງຖືເປັນ ນັກຮ້ອງອາຍຸນ້ອຍທີ່ສຸດທີ່ໄດ້ອອກອາລະບ້ຳໃນປະເທດລາວແລະຍັງມີວາງຂາຍໃນປະເທດຍີ່ປຸ່ນ, ເຖິງວ່າຊານດຣ້າຈະບໍ່ມີສັງກັດເພງ ແຕ່ການຜະລິດຜົນງານແລະດູແລທຸກຢ່າງແມ່ນໂດຍພໍ່ແມ່ຂອງຊານດຣ້າ. ນອກນັ້ນ ຊານດຣ້າຍັງເປັນນັກຮ້ອງຄົນດຽວຂອງລາວທີ່ຕ້ອງຂໍອະນຸຍາດທາງລັດຖະບານກ່ອນທີ່ຈະສຳພາດ.
ທາງດ້ານຜົນງານເພງ ມີເພງດັງເຊັ່ນ ເພງຄອຍວັນຮັກຫວນຄືນ ລວມເຖິງອາລະບ້ຳງານເພງຄອບຄົວ ໂດຍມີພພໍ່ເປັນຜູ້ແຕ່ງເພງ ແມ່ຫຼິ້ນໄວໂອລີນ ທີ່ເປັນເພງລາວປະສົມແນວຮິບຮັອບ ອາຣ໌ແອ່ນບີ ແລະອື່ນໆ.
ທາງດ້ານການສະແດງ ຊານດຣ້າເຄີຍຫຼິ້ນລະຄອນເວທີຢູ່ຫໍປະຊຸມທີ່ໃຫຍ່ທີ່ສຸດໃນນະຄອນຫຼວງວຽງຈັນ ແລະໄດ້ເຊັນສັນຍາກັບ Work point ມີຜົນງານລະຄອນໂທລະທັດຄື ເພງຮັກລິມຝັ່ງໂຂງ (ຄູ່ກັບ ສຸກົນລະຫວັດ ຄະນາຣົດ), ເລໄລລູກສາວປ່າ ແລະອື່ນໆ.
ຜົນງານ
ລະຄອນ
| ປິ | ຊື່ | ບົດບາດ | ໝາຍເຫດ |
|---|---|---|---|
| 2007 | ເພງຮັກລິມຝັ່ງໂຂງ | ຈຳປາ | |
| 2008 | ເລໄລລູກສາວປ່າ | ເລໄລ | |
| 2009 | ລະເບີດເຖີດເທີງ | ຮັບເຊີນ (ຕອນ ຄະລຶຫາດ ຄະລຶໂຫດ) | |
| 2011 | ຕະຫຼົກ 6 ສາກ | ຮັບເຊີນ | |
| 2012 | ເກັບຫອມອອມຮັກ | ຮັບເຊີນ (ຕອນ ຖ່ານໄຟເກົ່າ, ໜອງບົວດີໝີ ຊັອບປິ້ງມໍ, ໄມ້ມີໃຄຜິດ...ຈົນເກີນອະໄພ) |
ເພງ
| ປິ | ຊື່ | ໝາຍເຫດ |
|---|---|---|
| 2007 | ຮັກລິມຝັ່ງໂຂງ | ຄູ່ກັບ ເວຍ ສຸກົນລະຫວັດ ຄະນາຣົດ |
| ບໍ່ຮູ້ເປັນຫຍັງ | ||
| 2011 | My Radio | |
| 2013 | ຮັກເຈົ້າຕະຫຼອດໄປ | |
| ຄົນທຳມະດາ | ||
| 2014 | ເຈົ້າໄດ້ບໍ່ | ຄູ່ກັບ ຕ້າ ເທບມະຫາວິໄຊ ໄຊທິລາດ |
| 2015 | ຍິນດີທີ່ບໍ່ຮູ້ຈັກ (ເວີຊັ້ນຫຼາຍພາສາ) | ຮ້ອງພາສາລາວ ໃນຄອນເສີດ GTH 11 ປີ |
| 2018 | Laos Simply Beautiful | ຄູ່ກັບ ແຊມ ອິນທະລະພິທັກ |
| ປະເທດລາວສວຍງາມແທ້ໆ |
ແຫຼ່ງຂໍ້ມູນ
ຕິດຕາມຜົນງານຕ່າງໆໄດ້ທີ່
ເຟສບຸກ Alexandra Bounxouei - ອາເລັກຊານດຼາ ບຸນຊ່ວຍ
ອິນສ໌ຕາແກຣມ alexandrabounxouei
ຢູທູບ Alexandra Bounxouei
This article uses material from the Wikipedia ລາວ article ອາເລັກຊານດຣ້າ ທິດາວັນ ບຸນຊ່ວຍ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.