ຊຸມຊົນແອອັດ ຫຼື ສະລຳ (ອັງກິດ: slum) ຕາມຄຳຈຳກັດຄວາມຂອງສະຫະປະຊາຊາດ ໝາຍເຖິງພື້ນທີ່ເສື່ອມໂຊມສ່ວນໜຶ່ງຂອງເມືອງທີ່ມີລັກສະນະສະເພາະຄື ບ້ານເຮືອນທີ່ສ້າງຂຶ້ນຕ່ຳກວ່າມາດຕະຖານ ຄວາມສົກກະປົກຮຸງຮັງ ແລະການຂາດຮັກສາຄວາມປອດໄພທີ່ມັ່ນຄົງ ຈາກຂໍ້ມູນຂອງສະຫະປະຊາຊາດ ພົບວ່າອັດຕາສ່ວນຂອງຜູ້ຢູ່ອາໄສໃນຊຸມຊົນແອອັດໃນເຂດເມືອງໃນຊ່ວງ ຄ.ສ.
1992 - 2005 ລົດລົງຮ້ອຍລະ 47 ເປັນຮ້ອຍລະ 37 ຢ່າງໃດກະຕາມ ເນື່ອງດ້ວຍປະຊາກອນໂລກທີ່ເພີ່ມຂຶ້ນ ໂດຍສະເພາະຢ່າງຍິ່ງປະຊາກອນໃນເຂດເມືອງ ຜູ້ຢູ່ອາໄສໃນຊຸມຊົນແອອັດໃນເຂດເມືອງຈຶ່ງເພີ່ມຂຶ້ນຕາມ ຈຳນວນຜູ້ອາໄສໃນຊຸມຊົນແອອັດທົ່ວໂລກມີປະມານໜຶ່ງພັນລ້ານຄົນ ແລະຈະເພີ່ມຂຶ້ນເປັນສອງພັນລ້ານຄົນໃນປີ ຄ.ສ. 2030
ລັກສະນະສະເພາະຂອງຊຸມຊົນແອອັດອາດຈະແຕກຕ່າງກັນໄປໃນແຕ່ລະພູມິພາກ ສິ່ງທີ່ມັກຄືກັນຄືຜູ້ຢູ່ອາໄສມີຖານະຢາກຈົນຫຼາຍຫຼືດ້ອຍໂອກາດທາງສັງຄົມ ສິ່ງກໍ່ສ້າງໃນຊຸມຊົນແອອັດມີຫຼາກຫຼາຍຕັ້ງແຕ່ກະທ່ອມຫຼືເພິງຢ່າງງ່າຍ ໆ ໄປຈົນເຖິງໂຄງສ້າງຖາວອນທີ່ອະນຸລັກໄວ້ຢ່າງດີຊຸມຊົນແອອັດສ່ວນຫຼາຍຂາດແຄນນ້ຳສະອາດ ໄຟພ້າ ສຸຂາພິບານ ແລະສາທາລະນູປະໂພກອື່ນ ໆ
This article uses material from the Wikipedia ລາວ article ຊຸມຊົນແອອັດ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.