Volga

Chèlla us ché la gh'ha mia di foncc o i è tròp póche. Per piasér, zónta di fóncc a la us. Issé de ìga ön'idéa di ótre us senza fóncc, ardì ché.

El Volga (en lèngua rusa: Волга; en lèngua tàtara: Идел/İdel; en lèngua kazàka: Еділ/Edil; en lèngua mokša: Rava) l'è 'l fiöm piö lónch e con piö tàta portàda de töta l'Euròpa. Coi sò aflüèncc, el càta sö le àive de piö de 'na tèrsa part de la Rùsia europèa.

Volga - Волга
'El Volga dele bànde de Uglič'
Nasiù	Russia
Longhèsa	3 531 km
Portàda média	a Volgograd 8 060 m³/s
Bacino idrografich	1 350 000 km²
Altèsa de la sorgènt	228 méter sùra 'l leèl del mar
El nas	Culìne del Valdaj
El và a finì	Mar Caspio

El Volga el nas sö le culìne del Valdài a 228 méter de altèsa söl leèl del mar, arènt a 'na località ciamàda Volgo Verchov'e, endèla part ocidentàl del oblast' de Tver', a presapóch 300 km a nordòvest de Mósca e 320 km a sudèst de San Pietrobùrgo e 'l va a finì de sbötàs endèl mar Caspio dòpo de 'n percórs lónch 3.700 km.

L'è navegàbil sö quàze töt el sò percórs gràsie apò a töte le òpere de sistemasiù che gh'è stat fat endèla segónda metà del sècol XX.

El sò cadì idrogràfich , condèna superfìce de 1.350.000 km², l'è chèl dei 18 entrà i piö gràncc del mónt e 'l reönés en gran mozàich de pòpoi. Endèla àl del Volga, a pàrter de la segónda guèra mondiàl s'è concentràt 'na bùna part de le atività 'ndüstriài de la Rusia. El g'ha 'na part importànte endèl imaginàre rùso e 'l g'ha ispiràt devèrsi romàns e cansù rùse.

Endèl sò percórs el Volga el tóca dùdes de le entità federài de la Federasiù Rusa, che a nàga dré al sò córs i è:

• Oblast de Tver',
• Oblast' de Jaroslavl',
• Oblast' de Kostroma,
• Oblast' de Nižnij Novgorod,
• Repüblica de Mari-El,
• Repüblica de Ciüvàsia,
• Repüblica de Tartaristan,
• Oblast' de Ul'janovsk,
• Oblast' de Samara,
• Oblast' de Saratov,
• Oblast' de Volgograd
• Oblast' de Astrachan'.

I aflüèncc piö 'mportàncc i è:

• Achtuba (de le bànde de Volžskij)
• Samara (a Samara)
• Kama (a sud de Kazan')
• Kazanka (a Kazan')
• Sviyaga (a òvest de Kazan')
• Vetluga (arènt a Koz'modem'jansk)
• Sura (a Vasilsursk)
• Kerženec (arènt a Lyskovo)
• Oka (a Nižnij Novgorod)
• Uzola (arènt a Balachna)
• Unzha (arènt a Jur'evec)
• Kostroma (a Kostroma)
• Kotorosl (a Jaroslavl')
• Sheksna (a Čerepovec)
• Mologa (arènt a Ves'egonsk)
• Kašinka (arènt a Kaljazin)
• Nerl (arènt a Kaljazin)
• Medvedica (arènt a Kimry)
• Dubna (a Dubna)
• Shoša (arènt a Konakovo)
• Tverca (a Tver)
• Vazuza (a Zubcov)
• Seližarovka (a Seližarovo

•  
  Conflüènsa del Volga col fiöm Kotorosl', a Jaroslavl'
•  
  El Volga zelàt, a nord de Jaroslavl'.
•  
  El Volga a Jaroslavl'
•  
  La conflüènsa del Volga col fiöm Oka, a Nižnij Novgorod
•  
  El Volga a Nižnij Novgorod .
•  
  Un remorchiadùr arènt a Nižnij Novgorod.
•  
  La rìa dèstra del Volga arènt a la conflüènsa col fiöm Kama
•  
  El Volga a Ul'janovsk
•  
  El Volga arènt a la fóce.