Republega
La Republega, dal latin res pubblica, che 'l voeur dì roba publega, l'è ona forma de governo doperada in de la democrazia reppresentativa o aristocratega.
In de la Republega, el poder l'è daa per elezion o nomina, mia per trasmission ereditaria, e l'è mia proprietà privada de quell che 'l ghe l'ha. Donca, l'è in contrapposizion con la monarchia.
Definizzion
 | «Ona motta de gent l'è minga ona republega» |
Tradizzionalment la republega l'è la forma de governo di pais indova el poder l'è del Popol e donca l'è esercitaa da lor o a di sò reppresentant. Donca la republega in teoria la lassa foeura di concett comé la dittadura o la tirannia.
A bon cunt i pont de bas de ona republega hinn:
- Periodicitaa di caregh
- Trasparenza di att del governo
- La responsabilitaa di politegh
- Separazzion di poder
- El Stat de Diritt
- Respett de tucc i idej politegh
- Uguajanza innanz a la legg
- Possibilitàa per tucc de ciappà part a la politega
Organizzazzion
Gh'hinn trì manèr principal per organizzà ona republega:
- Republega Presidenziala, indova el President l'è no elegiuu del Parlament e l'è capo del governo
- Republega Parlamentara, indova el President a l'è eleggiuu del Parlament ma el gh'ha domà di poder cerimoniai e gh'è on primm minister, capo effettiv de l'esecutiv.
- Republega Semipresidenziala, indova el President el gh'ha di poder ma hinn compartii cont el primm minister
Ona republega la pò vess o centralista (con o senza di autonomij) o federala.
A gh'è anca el sistema de la republega direttoriala, indova el governo e 'l Capo de Stat a l'è on unich orghen collegial faa de primus inter pares, el sistema a l'è doperaa incoeu domà de la Svizzera.
Republega e religion
A bon cunt di moviment republegan hinn nassuu ancq per di quistion religios, vist che la pupart di monarchij la gh'ha ona religion de stat. Inscambi, la pupart di republegh l'è laica, anca se gh'hinn di differenz in tra Stat in de la vision de la Religion: Per esempi in Italia la religion l'ha gh'ha on valor positiv recognossuu, inveci in Francia no.
Però gh'hinn anca di republegh confessional, ossia di republegh con la religion offizziala. I pussee famos hinn i republegh islamegh 'me l'Iran.
Riferiment
Vos correlaa
- Republich sorell
- Republich marinee
- Libertà dora
This article uses material from the Wikipedia Lumbaart article Republega, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.