Michelangelo Buonarroti o Michelangiol (Caprese, ses de marz del 1475 - Roma, desdott de febrar del 1564) a l'è staa on pitor, scultor, architett e poeta italian.
A l'è consideraa vuna di figur pussee important del Renassiment, e giamò ai sò temp diseven che lù l'era vun di artista pussee grand de semper.
L'è staa on artista genial, ma anca inquiett. El sò nomm a l'è legaa a ona serie de oeuver che l'hann portaa in del firmament de la storia de l'art, e cognossuu a nivell mondial: a poeudom regordà la statoa del David, la Pietà e i afresch de la Capella Sistina.
L'istudi di sò oeuver l'ha segnaa i generazion ch'hinn vegnuu dopo de lù: insemma a alter modei, l'è nassuda inscì ona scoeula artistega che la feva de l'art "a la soa manera", e che l'è stada ciamada manierismo.
This article uses material from the Wikipedia Lumbaart article Michelangelo Buonarroti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.