Mikelanjelo

Michelangelo di Lodovico Buonarroti Simoni (Maach 6, 1475 – Febiweri 18, 1564), kamanli nuo az Mikelanjelo, wehn wahn hItalian Renisans pienta, skolpta, haachitek, puohit ahn hinjinier. Alduo ihn no chrai fi du moch outsaid a di haats, ihn vorsatiliti ina di disiplindem ihn du tekop wehn so fos klaas tel im a siiros kantenda fi di taikl a aakitaipal Renisans man, gens ihn raival ahn kombolo hItalian Leonardo da Vinci.

Mikelanjelo

Posnal infamieshan

Baan: Maach 6, 1475
Ded: Febiweri 18, 1564
Nashinaliti: hItalian

Profeshnal infamieshan

Profeshan: Pienta, skolpta, haachitek, puohit ahn hinjinier
Muuvment: hItalian Renisans

Mikelanjelo houtput ina ebri fiil juurin ihn lang laif wehn uoliip; chruu di nof-nof karispandens, skech ahn riminisens wa sovaiv, im a di bes-dakiument aatis a di 16t senchri. Tuu a ihn bes-nuo wok, di Pietà ahn Dievid, ihn skolp bifuo ihn kech torti. No mata se ihn no tingk moch bout pientin, Mikelanjelo haalso kriet tuu a di muos influenshal wok ina fresko ina di ischri a Westan aat: di siindem frahn Jenisis pahn di siilin ahn Di Laas Jojment pahn di halta waal a di Sistiin Chapl ina Ruom. Lieta in laif ihn dizain di duom a Sin Piita Basilika ina di siem siti ahn revaluushanaiz klasikal aakitekcha wid ihn yuus a di jayant aada a pailasta.

Wiki Commons ab midia rilietid tu: Mikelanjelo.