Vraej
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Vraej sleitj op 'nen toestandj van rös en geldj es 't taengeneuvergestèldje van krieg. Róndj 1200 mèndje 't waord "wèttelike besjurming taenge waopegeweldj". Mit e vreiesverdraag wuuertj d'n euvergank van krieg (waopestilstandj) nao vraej gemarkeerdj; 'n kriegsverklaoring is daovan 't taengeneuvergestèldje. Vreiesverdrager die in 'n bepaoldje plaats waere geteikendj kriege döks de naam "Vraej van ..." (dink aan Vraej van Versailles). d'n Tak vanne weitesjap die percèsse die toet vraej leien en die dit in standj haje bestudeertj hètj de irenologie. De naam van dit vak is aafgelèdj gewaore van 't Grieks waord veur vraej: "eirene".
Saer 1901 wuuertj jäörliks de Nobelpries veure Vraej toegekandj.
In bepaoldje spraoke wie 't Arabisch en 't Hibrieëfs is 't gebroekelik einanger de gojen daag te zègke mit 't waord veur vraej, salaam/sjalom, of 'n zats worin vraej wuuertj toegewuns.
Van 't Letiens waord veur vraej, pax, zeen diverse begrippen aafgelèdj, wie pacifisme, de filosofie die geweldjsloeasheid en vraej naostraef.
E kristelik symboeal veur vraej is de doef, die döks de vreiesdoef wuuertj geneump, en verwies nao d'n Heilige Geis.
This article uses material from the Wikipedia Limburgs article Vraej, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.