Biologie Root
Dit artikel is gesjreve (of begós) in 't Sint-Joasters.
Laes hie wie v'r mit de versjillende saorte Limburgs ómgaon.
De reut (inkelvawd: root) vörmen 't óngergrundjse deil van plantje. Hiemit vange ze water en voorstoffe (minerale) op oet de gróndj. Ouch zörge de reut veur 'n verankering van de plantj in de gróndj. Ouch guèf 't plantje zónger reut, wie aenjemoos. Anger plantje kónne ouch parasitair häör reut in 'n anger plantj höbbe, wie vogelliem.
Reut greuje taenge de zwaordjekraf in, nao ónger; dit neump me negatieve geotropie.
Aan reut zitte roothaor, die veur de eigentlike opnaam van 't water en de voorstoffe zörge. Roothaor höbbe mer 'n bepirkdje laevesdoer. Aan de tuup van de reut bevinje zich den ouch de greujpuntje; de reut die hie-oet óntstaont heite primair reut. Tiejes de kening kump 't keenreutje es ièrste nao boete. Bie twièzaodlöbbige of dictotyle vörmp deze root d'n houfroot. Door vertekking van d'n houfroot waere ziejreut gevörmp. Door wiejer vertekking van dees ziejreut óntsteit e rootgestèl ('t gehièl van reut bie 'n plantj).
Zuuch ouch
This article uses material from the Wikipedia Limburgs article Root (biologie), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.