Polonium
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Polonium is e sjemisch element mit 't symbool Po en 't atoeamnómmer 84. 't Is e zilvergries metalloied of e metaal; vanwaenge de positionering in 't periodiek systeem wuuertj 't sómtieds geklassificeerdj es e metalloied, mer op gróndj vanne eigesjappen en zie gedraag wuuertj polonium door anger es "ónmiskènbaar e metaal" gezeen.
Alle bekèndje isotope van Polonium zeen radioaktief.
Toepassinge
Legeringe van polonium mit beryl waere toegepas es verplaatsbaar neutronebrón: es 'n alfadeilke 'n berylkern truf wuuertj e neutron oetgestoeate. Neutrone zeen anges eigentlik allein bie 'n kernreactie besjikbaar. De alfastraoling die bie verval van polonium vriekump wuuertj gebroek es antistatisch middel, ómdet 't in 'n klein zaon róndje brón toet ionisatie vanne lóch lèdj. Ómdet de alfastraoling mekkelik wuuertj geblokkeerdj door vriewaal eder wandjmatterjaal, kump walle innerzjie vanne straolingsbrón es hits róndj dees brón vrie. Me haet dit veurgestèldj es 'n draagbaar innerzjiebrón inne ruumdjevaart. 't Perbleem is netuurlik det bie óngelökke polonium vrie zów kónne kómme. Opnaam in 't lief is biezunjer gevieërlike veure gezóndjheid.
Zuuch ouch
This article uses material from the Wikipedia Limburgs article Polonium, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.