Pinguïns

Laes hie wie v'r mit de versjillende saorte Limburgs ómgaon.

Pinguïns zien middelgroete tot groete neet-vleugende veugel oet de orde Sphenisciformes en de femilie Spheniscidae. Ze leve allemaol op 't Zuielek Haafroond en veural in kösgebeje; de mieste soorte bringe e good deil vaan hun leve in 't water door. Mèt hun klein mer krachtege vleugele kinne ze neet vlege, meh dees lidmaote zien speciaal oontwikkeld veur oonder water te zwumme. Hun dieet besteit bekans compleet oet vès en aander ziebieste. Allewel tot ze gemeinelek mèt Antarctica weure geassocieerd, koume sommege soorte zjus in de trope veur.

Pinguïns leve in gróppe vaan tientalle tot hoonderde of zelfs doezende exemplare, aofhenkelek vaan soort. Dèks breujt 't menneke 't ei oet of nump temeenste e deil vaan de verzörging vaan 't kuke op ziech.

• Geslach Aptenodytes
  • Keuningspinguïn (Aptenodytes patagonicus)
  • Keizerspinguïn (Aptenodytes forsteri)
• Geslach Pygoscelis
  • Ezelspinguïn (Pygoscelis papua)
  • Adeliepinguïn (Pygoscelis adeliae)
  • Keelstrieppinguïn (Pygoscelis antarctica)
• Geslach Eudyptes
  • Rotsspringpinguïn (Eudyptes chrysocome)
  • Fjordelandpinguïn (Eudyptes pachyrhynchus)
  • Snarespinguïn (Eudyptes robustus)
  • Mötspinguïn (Eudyptes schlegeli)
  • Kroenspinguïn (Eudyptes sclateri)
  • Macaronipinguïn (Eudyptes chrysolophus)
• Geslach Megadyptes
  • Geelougpinguïn (Megadyptes antipodus)
• Geslach Eudyptula
  • Dwergpinguïn (Eudyptula minor)
  • Witvleugelpinguïn (Eudyptula albosignata)
• Geslach Spheniscus
  • Afrikaanse pinguïn (Spheniscus demersus)
  • Maggelaanspinguïn (Spheniscus magellanicus)
  • Humboldtpinguïn (Spheniscus humboldtii)
  • Galapagospinguïn (Spheniscus mendisculus)