Echte Haoze

Laes hie wie v'r mit de versjillende saorte Limburgs ómgaon.

De echte haoze zien de vertegewoordegers vaan 't geslach Lepus oet de familie Knienechtege (Leporidae). Ze umvat zoe daarteg soorte, boevaan 'rs vijf in Europa endemisch zien. De bieste zien wijer ouch inheims in Azië, Noord-Amerika en Afrika, en in de rest vaan de bewoende wereld zien ze geïmporteerd. Alle soorte weure door de mins bejaog, woedoor sommege bedreig zien.

De echte haoze oondersjeie ziech door hun lenege, lang achterpu en lang oere. Väöl soorte höbbe e zomer- en winterkleid.

De lengde vaan hun pu is nudeg veur tot hoeg snelheid te kómme, oongeveer zeveteg kilometer per oor, woe de knien mer 40 kilometer haolt. Dit hèlt verband mèt hun leefwijs: ze bewoene gei hol meh e leger, 'ne kojl in de groond, en kinne daodoor neet ewegkroepe veur hun natuurleke vijande. Haoze ete veurnaomelek graas en kruier, soms ouch tekskes en boumbleedsjes.

Endemisch in Europa

• Gewoenen haos (Lepus europaeus)
• Sniehaos (L. timidus)
• Corsicaansen haos (L. corsicanus)
• Iberischen haos (Lepus granatensis)
• Lepus castroviejoi

Endemisch in Azië

• Tolaihaos (L. tolai)
• Birmahaos (L. peguensis)
• Hainanhaos (L. hainanus)
• Zwartnekhaos (L. nigricollis)
• Tibetaanse wolhaos (L. oiostolus)
• Yunnanhaos (L. comus)
• Chinesen haos (L. sinensis)
• Yarkandhaos (L. yarkandensis)
• Koreaansen haos (L. coreanus)
• Mandsjoerijsen haos (L. mandshuricus)
• Japansen haos (L. brachyurus)

Endemisch in Afrika

• Kaapsen haos (L. capensis)
• Savannehaos (L. victoriae)
• Bushhaos (L. saxatilis)
• Ethiopische lieglandhaos (L. facanis)
• Ethiopischen hoeglandhaos (L. starcki)

Endemisch in Noord-Amerika

• Alaskahaos (L. othus)
• Poolhaos (L. arcticus)
• Sniesjoonhaos (L. americanus)
• Prairiehaos (L. townsendii)
• Ezelhaos (L. californicus)
• Antilopehaos (L. alleni)
• Espiritu-Santohaos (L. insularis)
• Witflankhaos (L. callotis)
• Tehuantepec-haos (L. flavigularis)

• De inwoeners vaan Venroj heite in vastelaovendstied haoze en haozinne.