La Rio Nijer es la rio xef de Africa ueste, estendente sirca 4180 km.
Sua basin es sirca 2,117,700 km2 en area. La fonte es en la Montanias de Gine en Gine sude-este. Lo core en un cresente tra Mali, Nijer, a la borda con Benin, e alora tra Nijeria, abrinte tra un delta enorme nomida la Delta Nijer (o la Rios Olio) a la Golfo de Gine en la Mar Atlantica. La Rio Nijer es la rio tre en longia en Africa, suprapasada sola par la Rio Nilo e la Rio Congo. Sur afluente xef es la Rio Benue. Ance notable es sua Delta Nijer Interna, un largi de a rio en a forma de un delta, con multe isolas. Lo es la resulta de la fato ce la rio ia es orijinal du rios separada, con la parta alta descargante en un lago, aora seca, en la deserto norde-este de Timbuctu, e la parte basa comensante sude de Timbuctu e corente a Nijeria e la Atlantica.
This article uses material from the Wikipedia Lingua franca nova article Rio Nijer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.