Rio Congo

Lo es ance la rio la plu profonda, tan profonda como plu ca 220 m, e es la sola rio cual crusi la ecuator du veses. La rio e sua enflues flue tra la foresta pluvosa du en grandia, seguente la foresta de la Amazona.

La comensas de la Congo es en la montanias e montes de la falion de Africa este, e en Lago Tanganyika e Lago Mweru, cual enflue la Rio Lualaba, cual deveni la Congo pos la Cascade Boyoma. La rio Chambeshi (pron Txambexi) en Zambia es probable la fonte de la Congo. Con la Lualaba, la Rio Congo es sirca 4370 km. La basin ave un area total de sirca cuatro milion km2, o 13% de la continente de Africa.

La nom "Congo" orijina de la Rena de Congo, cual ia es locada sur la riva sude de la rio. La rena ia es nomida per la popla banta - la congo - conoseda en la sentenio 17 como la "esicongo". Sude de la Rena de Congo ia es la Rena Cacongo, notada en 1535. Abraham Ortelius, en sua mapa de la mundo de 1564, eticeti la site a la boca de la rio "Manicongo". La nom "Congo" probable deriva de un parola per un asembla tribal. La nom moderne per la popla (congo o bacongo) ia es introduida en la sentenio 20 temprana.

La intera de la basin de la Congo es poplida par popla bantu, divideda entre alga sentos de tribus o grupos etnico. La estende bantu es estimada como ateni la Congo media par sirca 500 aec, e la Congo alta par la sentenio prima ec. Restas de la popla orijinal ci la migra de la bantus ia deloci - la pigmeos (o abatua) de la filo ubangan - resta en la areas distante en la foresta densa de la basin de la Congo.