La mesolitica (de elinica μέσος, media, e λίθος, petra) es la periodo arceolojia de la emisfera este entre la paleolitica e la neolitica.
La mesolitica ave estendes de tempo diferente en partes diferente de Eurasia. Lo refere a la periodo final de la cultures de la xasores-coliores en Europa e Asia ueste, entre la fini de la glasia masima final e la revolui neolitica. en Europa, lo estende de sirca 15,000 a 5,000 ante aora; en Asia sude-ueste, sirca 20,000 a 8,000 aa. La terma es usada min per areas plu este, e no per areas estra Eurasia e Africa norde.
La tipo de cultur asosiada con la mesolitica varia entre areas, ma es asosiada con un descrese en la xasa par grupos de animales grande, e un crese en un modo de vive plu vasta de la xasores-cultivores, e la developa de utiles e armas plu sofisticada e tipal min grande ca la corespondentes plu simple e pesosa tipal de la paleolitica. Dependente de la rejion, alga usa de seramicas e stofas pote es trovada en locas de la mesolitica, ma indicas jeneral de cultiva es videda como marcas de traversa a la neolitica. La vilas plu permanente tende es prosima a la mar o rios o lagos plu interna, furninte un fonte bon de comedas. Sosias mesolitica no es videda como multe complicada, e enteras es alga simple; par contrasta, colinas grande de enteras es un marca de la neolitica.
This article uses material from the Wikipedia Lingua franca nova article Mesolitica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.