La cultur Dnepr-Donets (sirca 5000 a 4000 aec) ia es un cultur mesolitica en la area norde de la Mar Negra e la Mar de Azov entre la Rio Dnepr e la Rio Donets.
Lo ia es un cultur xasor-colior cual ia traversa a cultiva temprana. La evidentes economial de la grados la plu temprana ia es cuasi tota de xasa e pexa. Lo ave paraleles con la cultur Samara de la mesma periodo. La cultur ia es susededa par la cultur Iamna.
Entera ia es en escavas, con la mor covreda con ocer. A veses, entera ia es per un individua, ma grupos plu grande ia es plu comun, con enteras fada en segues en la mesma tomba. Esta, e otra marcas, indica paraleles con otra cultures, como la Samara, de la Dnepr basa a la Volga media e basa. La ipotese curgan de Marija Gimbutas ia inclui lo en un rejion cultural mlte plu grande, e ia sujeste ce esta es un parte de la abitua prima de la protoindoeuropeanes cual va es developada plu en la cultur Sredny Stog e Iamna.
La restas fisical recovreda de la tombas ia es descriveda como tipal europoide. Los es descriveda tipal como cromagnones tarde, con cualias plu masosa ca la popla mediteranean.
This article uses material from the Wikipedia Lingua franca nova article Cultur Dnepr-Donets, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.