Entsiklopediya

Keñ manada - türlü mevzuda ilim malümatı ve malümatname cıyıntığı, keñ oquyıcılar dairesine doğrutılğan. Bütün (universal entsiklopediya) ve ya bazı (saa entsiklopediyası) saalardan nazariy em de ameliy bilgilerni qaplap ala. Entsiklopediya entsiklopedik maqalelerden ibaret olıp, er biri bir obyekt, şahıs ve ya adiseni tarif ete. Adetince böyle maqaleler elifbe tertibinde berile.

"Entsiklopediya" sözü frenkçe encyclopédie sözünden, o ise latince encyclopaedia sözünden, o da yunanca ἐγκύκλιος παιδεία, ἐγκύκλιος ‘daireviy, qaytavlı’ sıfatından ve παιδεία ‘ilim, ögretüv, terbiye’ isiminden ibaret olıp, arif-arfine ‘ilim dairesi’ manasına kele.