D'Schlass Neuschwanstein ass e Schlass bei Hohenschwangau, a Bayern.
D'Schlass vun der Marienbrücke aus gesinn | |
Land | Däitschland |
---|---|
Plaz | Hohenschwangau |
Koordinaten | 47° 33’ 27.02’’ N 10° 44’ 58.80’’ O |
Baustil | Historismus, Eklektizismus |
Architekt(en) | Christian Jank |
Statut | klasséiert |
Datum vum Bau | 1869 ugefaangen |
Proprietär | Land Bayern |
Et gouf vun 1869 vum bayeresche Kinnek Ludwig II., als idealiséiert Representatioun vun enger Ritterbuerg aus dem Mëttelalter baue gelooss. D'Pläng ware vum Christian Jank, den Hofbaudirektor Eduard Riedel huet sech zesumme mam Georg von Dollmann ëm de Bau bekëmmert, zu gudder Lescht war de Julius Hofmann responsabel fir de Bau.
D'Architektur an d'Bannendekoratioune sinn typesch fir de Stil vum romanteschen Eklektizismus vum 19. Joerhonnert; d'Schlass gëllt als eent vun den Haaptwierker vum Historismus. D'Schlass huet eng 200 Zëmmeren, op enger totaler Fläch vu 6.000 m2.
De Ludwig II. ass 1886 gestuerwen, nach éier d'Bauaarbechte fäerdeg waren. Hien hat de Bau selwer finanzéiert, huet sech domat awer esou verschëllt, datt déi Bayeresch Regierung hien als net méi am Stand fir ze regéieren deklaréiert huet.
D'Schlass gehéiert haut dem Land Bayern. Et ass eng vun de bekanntsten touristeschen Attraktioune vun Däitschland, déi am Joer vu ronn annerhallwer Millioun Leit besicht gëtt.
Commons: Schlass Neuschwanstein – Biller, Videoen oder Audiodateien |
This article uses material from the Wikipedia Lëtzebuergesch article Schlass Neuschwanstein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.