Pedro Sánchez
De Pedro Sánchez Pérez-Castejón, gebuer den 29.
Februar">29. Februar 1972 zu Madrid, ass e spuenesche Politiker an Héichschoullenseignant. Hie war vum Juli 2014 bis den Oktober 2016, an ass nees zanter 2017 Generalsekretär a Parteipresident vun der Partido Socialista Obrero Español (PSOE). Hien ass zanter dem 2. Juni 2018 Ministerpresident vu Spuenien.
| Pedro Sánchez | |
|---|---|
 | |
| Gebuer | 29. Februar 1972 Madrid |
| Nationalitéit | Spuenien |
| Educatioun | Université libre de Bruxelles |
| Aktivitéit | Politiker, Ekonomist, Universitéitsprofesser |
| Partei | Partido Socialista Obrero Español |
 | |
Hie gouf 1993 Member beim PSOE a gouf 1998 Assistent vun der Europadeputéiert Barbara Dührkop. Kuerz dono gouf hie Kabinettschef vum Héije Representant fir Bosnien an Herzegowina, Carlos Westendorp. 2004 ass hien an de Gemengerot vu Madrid nogeréckelt, 2007 gouf en duer erëmgewielt. 2009 ass hien als Deputéierten an d'Spuenescht Parlament (Congreso de los Diputados) nogeréckelt. 2011 krut en net genuch Stëmme fir erëmgewielt ze ginn, hien ass awer 2013 nogeréckelt.
Wéi den 1. Juni 2018 d'Parlament de Mariano Rajoy (Partido Popular) duerch e Mësstrauensvote ofgesat huet, krut de Sánchez 180 vun 350 Stëmmen a gouf domat Ministerpresident vun enger Minoritéitsregierung, déi vun Unidos Podemos, PNV an anere méi klenge separatistesche Parteien toleréiert gëtt.
Bei de virgezunnene Parlamentswale vum 28. Abrëll 2019 krut dem Sanchez seng PSOE mat 123 vun 350 Sëtz déi meeschte Stëmmen. Hie krut awer keng Majoritéit am Parlament zesummen. Dofir goufen et den 10. November 2019 Neiwalen, bei deenen d'PSOE nees déi stäerkst Partei gouf. De 7. Januar 2020 gouf de Sánchez Ministerpresident vun enger Minoritéitsregierung vun enger PSOE-Unidas Podemos Koalitioun.
Um Spaweck
| Commons: Pedro Sánchez – Biller, Videoen oder Audiodateien |
Referenzen
This article uses material from the Wikipedia Lëtzebuergesch article Pedro Sánchez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.