Simon Abeles
Simon Abeles (natus Pragae circa annum 1681; ibidem mortuus die 21 Februarii 1694) fuit puer Iudaicus Pragensis, filius cuiusdam Lazari Abeles.
Anno aetatis suae circiter 12 ad fidem Christianam conversus est. Creditur in odium fidei Christianae a patre et amico eius occisus esse; itaque martyrellus Pragensis appellatur. Die 31 Martii 1694 cum summa pompa et solemnitate in ecclesia Teynensi (alias ecclesia sanctae Mariae ante Laetem curiam) in capella Sancti Ioannis Baptistae sepultus est.
Anno 1696, evulgatus est liber Latinus de causa Simonis Abeles a Iesuita Ioanne Eder scriptus nomine Virilis constantia pueri duodennis Simonis Abeles in odium fidei a Iudaeo parente, Lazaro Abeles Pragae crudeliter occisi 21 Februarii 1694 in tuendo fortiter fidei Christianae proposito relucens.
Simon Abeles,
Abel es,
non a Fratre, sed a Patre
occisus.– Elogium.
Notae
Nexus externi
This article uses material from the Wikipedia Latina article Simon Abeles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.