Petrus vulgo Peter Merseburger (natus die 9 Maii 1928 in urbe Zeitzensi in Saxonia et Anhaltio, mortuus die 15 Februarii 1522 Berolini) diurnarius et scriptor Germanicus fuit.
Homines multos movit cum de cancellario Gulielmo Brandt biographiam longam pepigit.
Filius pictoris et graphici Caroli Henrico Merseburger gymnasium Zeitzense frequentavit. Postea Salinis Saxonicis et Amasiae Cattorum linguae Theodiscae, historiae et sociologiae studuit.
Diu moderator et relator apud periodicum illustre septimanale Der Spiegel fuit. Annis inter 1967 et 1975 politicas emissiones televisificas praetitulatas Panorama disposuit, quod antea Ioachimus Fest curaverat. Ex anno 1968 Hammoniae clavum imperii ARD feliciter tenebat et res ad historiam recentiorem spectantes procurabat. Inde ab anno 1977 variis in urbis graphea radiophoniae et televisionis publicarum Germanicarum administrabat, et id Vasingtoniae (D.C.) (1977–1982), in Sovietice occupato Berolino Orientali (1982–1987), Londinii (1987–1991).
Rebus televisificis terminatis scriptoris independentis munere functus est; tunc aut Berolini aut in Francia meridiana vixit. Sodalitatis PEN socius fuit. Tum biographiae eius multos homines captabant. Opusculo tali gaudebant Curtius Schumacher, Rudolphus Augstein, Gulielmus Brandt et Theodorus Heuss.
Cippus eius invenitur in coemeterio Berlinensi ad viam Heerstraße sito. Filius Stephanus Merseburger (* 1964) quoque diurnarius factus est.
This article uses material from the Wikipedia Latina article Petrus Merseburger, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.