Фалак Сүрөсү

Ислам уламаларынын ою боюнча Фалак сүрөсү Меккелик сүрө болуп эсептелет (б.а. Меккеде түшкөн).
Сүрө 5 аяттан турат.

Сүрөнүн түшүшүнүн себеби: Мухамед пайгамбар иудейлердин сыйкыр дубасынан улам ооруп калат. Ошондо Мухаммед пайгамбарга Жабреиль периште келип, иудейлер тарабынан сыйкырга колдонулган атрибуттар катылган бир кудукту көрсөткөн. Андан соң Фалак сүрөсү окулуп Мухаммед пайгамбар айыгып кеткен делет.

بِسۡمِ ٱللهِ ٱلرَّحۡمَـٰنِ ٱلرَّحِيمِ
1. قُلْ أَعُوذُ بِرَبِّ الْفَلَق
2. مِنْ شَرِّ مَا خَلَقَ
3. وَمِنْ شَرِّ غَاسِقٍ إِذَا وَقَبَ
4. وَمِنْ شَرِّ النَّفَّاثَاتِ فِي الْعُقَدِ
5. وَمِنْ شَرِّ حَاسِدٍ إِذَا حَسَدَ

Бисмиллахир Рахманир Рахиим
1. Кул аъууз̃у бираббил фалак
2. Мин шарри ма халак
3. Уамин шарри гасикин из̃а уакаб
4. Уамин шаррин наффас̃ати фиил ъукад
5. Уамин шарри хасидин из̃а хасад

Фалак¹ сүрөсү
Мээримдүү, Ырайымдуу Аллахтын аты менен
1. Айткын²: "Сактанам таңдын Эгеси менен;
2. Ал жараткан нерселердин жамандыгынан;
3. караңгылык каптагандагы анын жамандыгынан;
4. түйүндөргө сыйкырлоочулардын кастыгынан;
5. көрө албастардын кызгангандагы жамандыгынан”

¹ Фалак - Таң
² Эй, Мухаммед!

• "Ыйык Куран маанилеринин кыргызча котормосу". Baski Erkam Matbaasi-2006. - ISBN 9967-23-409-1

Которгондор: Абдышүкүр Исмаилов, Дүйшөн Абдылдаев, Садибакас Доолов, Садык Гавай
Текшергендер:Кимсанбай Абдурахманов, Камил Абжапаров

• Фалак сүрөсү Archived 2013-05-13 at the Wayback Machine