Иван Александрович Гончаров (6.
6. 1812, Симбирск —15. 9. 1891, Петербург) — орус жазуучусу.
Крепостнойдун үй-бүлөсүндө туулган.
Москва университетинин тил-адабият бөлүмүн бүтүргөн. Чыгармачылыгы университетте окуп жүргөндө башталат. Алгачкы ырлары романтик акындардын таасиринде жазылган. Гончаровдун В. Г. Белинский менен (1846) таанышуусу демократиялык көз карашынын өнүгүшүнө түрткү берген. «Демейдеги окуя» (1847), «Обломов» (1859), «Жар» (1869) романдары — орус турмушундагы чындыкты ар тараптан көрсеткөн реалисттик мыкты чыгармалар. «Обломов» романын Н. А. Добролюбов жогору баалаган. В. И. Ленин «обломовчулукту» артта калуучулук, бекерчилик, мителик маанисинде көп колдонгон.
Гончаров орус жана дүйн. адабияттын тарыхында реалисттик көркөм прозанын чебери катары белгилүү. Жазуучунун калемине очерктер, адабий сын макалалар да таандык. Гончаровдун чыгармаларынын көбү кыргызча которулган.
This article uses material from the Wikipedia Кыргызча article Иван Гончаров, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.