Prymatys yw urdh a vronnviles.
Prymatys | |
---|---|
Boban gwer | |
Klassans bewoniethek | |
Gwlaskor: | |
Fylum: | |
Klass: | |
Urdh: | Primates |
Hi a gomprehend pub lemur, sim hag apa, ow komprehendya den. An brassa rann a brymatys (marnas tus) yw trigys yn koswigow dre vras po yn tien.
Yma a-dro dhe 400 eghen a brymatys. Pub prymat yw haval dhe dhen yn lies fordh, mes yeth yw les posek a'n jeves saw den. Prymatys erel a's teves patron a alwansow ha movyansow, mes nyns usi yeth dhedha dell yw aswonnys dhyn.
Prymatys a's teves diwla gans pymp bys hag ewines plat (yma dhe'n brassa rann a enevales krabanow po karnow). Gorherys yw pub prymat gans blew (milvlew), mes kevys yw an blew saw yn dew dyller: war an penn hag yn kerghyn an lygyon (kedhor).
Rennys yw prymatys dhe dhew vagas: Strepsirrhini ha Haplorhini. Haplorrhini a gomprehend simes moy kepar ha tarsiers hag apys, ow komprehendya tus. Strepsirrhini a gomprehend simes le kepar ha'n loris, galago hag aye-aye.
Prymatys yw onan a'n nebes bagasow a vronnviles a eyl-esplegyas golok liw leun. Yn despit dhe henna, golok liw yn ydhyn yw gwell. Kellys veu golok liw yn bronnviles dres an osow hir pan o an bys gwarthevys gans arghpedrevanes ha bronnviles o munys hag a'n nos.
Kestava ogas yntra tus ha prymatys erel a wra chonsys rag klevesow simes effeythya tus magata. Klevesow kawsys gans virusow re beu treusperthys dhe dus a gomprehend ereras, brygh rudh, ebola, koner ha kleves avi.
Onan a'n mil erthygel posekka war Wikipedya yw an erthygel ma. |
This article uses material from the Wikipedia Kernowek/Karnuack article Prymat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.