បំពេញរាជ្យ ជាផ្លែឈើហូបផ្លែ មានរសជាតិជូរអែម និងផ្ដល់អត្ថប្រយោជន៍ចំពោះអ្នកទទួលទានវា។ ដើមឡើយផ្លែឈើនេះ មានឈ្មោះថា លោះ ក្រោយមកក្នុងរជ្ជកាលព្រះបាទ ព្រះបាទឧទ័យរាជា ទ្រង់បានសព្វព្រះរាជហឬទ័យ ប្រទានឈ្មោះឲ្យផ្លែលោះនេះថា “បំពេញរាជ្យ” វិញ តែអ្នកខ្លះហៅក្លាយថា “កំពីងរាជ្យ”។
ផ្លែបំពេញរាជ្យ មានប្រភពមកពី ឥណ្ឌូចិន និង ឧបទ្វីបម៉ាឡេស៊ី ហើយត្រូវបានណែនាំទៅកាន់អាស៊ីត្រូពិច (ឥណ្ឌូនេស៊ី ឥណ្ឌា ម៉ូរីស ប៉ាពួញូហ្គីណេ ហ្វីលីពីន) ។ ខ្មែរធ្លាប់ដាំដុះជាញឹកញាប់ ហើយផ្លែឈើរបស់វាមានច្រើននៅលើទីផ្សារក្នុងស្រុកនៅពេលដល់រដូវ។
ដើមបំពេញរាជ្យ គឺជាដើមឈើបៃតងដ៏ធំ លូតលាស់លឿន។ កម្ពស់របស់វាប្រែប្រួលពី ១៥ ទៅ ៤៥ ម៉ែត្រ។ ដើមត្រង់មានសំបកស្រាល។
ផ្កាមានមានពណ៌បៃតង លឿង ឬពណ៌ផ្កាឈូកស្រាល ។
សំបកផ្លែបំពេញរាជ្យមានរាងស្វ៊ែរដែលមានមានអង្កត់ផ្ចិត ៤-៧.៥ សង់ទីម៉ែត្រជារឿយៗមានស្នាមជ្រួញ។ នៅពេលទុំ ពណ៌របស់វាប្រែប្រួលពីលឿងទៅមាស ជួនកាលពណ៌ផ្កាឈូក ឬពណ៌ទឹកក្រូច។
រចនាសម្ព័នខាងក្នុងនៃផ្លែបំពេញរាជ្យប្រហាក់ប្រហែលនឹង ផ្លែមង្ឃុត ដែលមានគ្រាប់ពី ៣ ទៅ ៥ គ្រាប់ ស្រោបក្នុងដុំសាច់ដែលអាចបរិភោគបាន។ មានមានរសជាតិផ្អែម អាស៊ីត ឬជូរ។
គ្រាប់ដែលមានប្រវែង ២ សង់ទីម៉ែត្រ ដែលមិនអាចបរិភោគបានមានពណ៌ត្នោត។ ជាធម្មតាផ្លែទុំរវាងខែមិថុនា និងកក្កដា។
ផ្លែបំពេញរាជ្យមានគ្រាប់ពូជពណ៌ត្នោតដែល មិនអាចបរិភោគបានទេ ហើយអាចបង្កឱ្យមានផលវិបាកប្រសិនបើទទួលទាន។
ដើមបំពេញរាជ្យ គឺជាដើមឈើនៃតំបន់ត្រូពិចសើម។ វាដុះពីនីវ៉ូទឹកសមុទ្ររហូតដល់កម្ពស់ ១០០០ មែ៉ត្រ ។
ចម្ងាយដាំរវាងដើមបំពេញរាជ្យនីមួយៗ គឺ ៦-៨ ម៉ែត្រ។ ដើមផ្លែបំពេញរាជ្យទាមទារការផ្គត់ផ្គង់ជីពីរដងក្នុងមួយឆ្នាំសម្រាប់ការលូតលាស់ដ៏ល្អប្រសើរ។
This article uses material from the Wikipedia ភាសាខ្មែរ article បំពេញរាជ្យ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.