Камерун Ұлттық Футбол Құрамасы
Камерун мемлекетінің Халықаралық футбол жарыстарында намысын қорғайтын ұлттық құрамасы.
Басқарушы орган - Камерун Футбол Федерациясы. Футболдан Африка чемпионатының бес дүркін чемпионы (1984, 1988, 2000, 2002, 2017).
| Камерун Ұлттық футбол құрамасы | |||
| Конфедерация | |||
|---|---|---|---|
| Федерация | Камерун футбол федерциясы | ||
| Капитаны | |||
| Үй стадионы | Ахмаду Ахиджо | ||
| Формасы | |||
| |||
| Бірінші ойын | |||
| Ең ірі жеңіс | |||
| Ең ірі жеңіліс | |||
| Қатысу | 7 (бірінші 1982) | ||
| Жетістіктері | 1/4 финал (1990) | ||
| Африка Ұлттары кубогы | |||
| Қатысу | 19 (бірінші 1972) | ||
| Жетістіктері |
| ||
Тарихы
Алғашқы матчын тәуелсіздік алған соң ғана, 1960 жылы өткізіп, Франция Сомалиі құрамасын 9:2 есебімен ойсырата ұтты.
Әлем чемпионаттарында
Әлем чемпионатына алғаш рет 1982 жылы қатысып, үш матчтың біреуінде де ұтылған жоқ. Тек қосымша көрсеткіштері арқылы ғана Италия құрамасына екінші орынды беруге мәжбүр болды.
Арада сегіз жыл өткен соң Италиядағы мундиалда әлемді таңғалдырып, алғашқы турда Марадона бастаған Аргентина құрамасын ұтып кетті — 1:0! Айта кетейік, бұл матчта Камерунның екі бірдей ойыншысы алаңнан қуылған-ды. Бұл табыстың кездейсоқ еместігін келесі турда да дәлелдеді: Георг Хаджи, Мариус Лэкэтуш секілді жұлдыздары бар Румыния бұлардың мықтылығын мойындады. Ал, ештеңені шешпейтін үшінші турда КСРО құрамасынан ұтыла салды (0:4). Камерун ертегісі мұнымен де бітпеді, 1/8 финалда 38 жастағы Роже Милланың шебер ойынының арқасында Колумбияны ұтты (2:1). Ширек финалда да Англияның өзімен 120 минут айқасты. Тек бұлардың қақпасына екі бірдей белгіленген 11 метрлік айып добы матч тағдырын шешті, Камерун 2:3 есебімен ұтылып, еліне қайтты.
Бұл жетістік — әзірше құраманың әлемдік додалардағы жалғыз ғана мақтанышы. 1994 жылы топтан шыға алмады, тек 42 жасар Роже Милла әлем чемпионаттарында гол соққан ең қарт футболшы атанды. 1998 жылы Камерун құрамасының еншісіне екі бірдей рекорд жазылды: құрама сапындағы 17 жасар Самуэль Это'О чемпионаттың ең жас футболшысы болып жылнамаға тіркелді, ал Ригобер Сонг әлем чемпионаттарында екі рет алаңнан қуылған тұңғыш футболшы болып тарихта қалды.
2002, 2006, 2010, 2014 жылғы Әлем чемпионаттарында топтық турнирден аса алмады.
Африка Ұлттары кубогында
Құрлықтық турнирдің финалдық кезеңіне тұңғыш рет 1970 жылы қатысты. 1972 жылы қола жүлдегер атанды. Жалпы турнирде бес рет топ жарды, соңғы рет 2017 жылы.
Жетістіктері
- Афро-Азия ұлттары кубогы — Чемпион (1985)
- СЕМАК кубогы (CEMAC Cup) — Чемпион (2003, 2005)
- Чемпионат УДЕАК (UDEAC Championship) — Чемпион (1984, 1986, 1987, 1989)
- Орт-Африка ойындары — Чемпион (1976, 1987)
- Африкан ойындары — Чемпион (1991, 1999, 2003, 2007)
- Африка чемпионы — 1984, 1988, 2000, 2002, 2017
Атақты футболшылары
|
|
Сілтемелер
- http://www.fifa.com/associations/association=cmr/index.html Мұрағатталған 13 желтоқсанның 2018 жылы.
This article uses material from the Wikipedia Қазақша article Камерун Ұлттық футбол құрамасы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.