Вьетнам Баспасөзі

1865 жылы Сайгонда куокнгы тілінде "Зя динь бао" ("Зя динь газеті") шыға бастады .

Партиялық және демократиялық баспасөз 20 ғасырдың 20-30-жылдары пайда болды. Қазір ВДР-да 100-ден астам газет, журнал шығады (1971 жылы). Негізгі газеттері: "Нян зан" ("Халық") Вьетнам еңбекшілер партиясы ОК органы, "Док лап" ("Тәуелсіздік") Вьетнам Демократиялық партиясының органы, "Кыу куок" ("Отан қорғау") Вьетнамның Ұлттық майдан ОК органы, "Лао донг" ("Еңбек") Вьетнам кәсіподақтары федерациясының органы, "Тьен фонг" ("Авангард") Хо Ши Мин атындағы Вьетнам еңбекші жастар одағының органы, "Ван нге" ("Әдебиет және өнер") Вьетнам әдебиеті мен өнері қызметкерлері ассоциациясының органы, "То куок" ("Отан") – Вьетнам социалистік партиясының органы т.б.; "Фуны Вьетнам" ("Вьетнам әйелдері") журналы В. әйелдері одагынын органы. ВДР-дің ресми телеграф агенттігі Вьетнам информациялық агенттігі (ВИА, 1945 жылы). Ханойда 1945 жылы "Вьетнам үні" радиостансасы, 1971 жылы телестудия жұмыс істейді. Сайгондық өкіметтің қарамағындағы провинцияларда Вьетнам, ағылшын, француз, қытай тілдерінде 60-қа жуық (1968 жылы) газет, журнал шығады. Олардың бастылары: "Гжнь луан" ("Саясат"), "Ты зо" ("Бостандық"). "Вьетнам пресс" телеграф агенттігі (1951 жылы) сайгондық реакцияшыл баспасөзді акпараттық материалдармен қамтамасыз етеді. Мемлекеттік радиохабар тарату компаниясы "Вьетнам радиосы" Вьетнам, француз, ағылшын, кхмер, тай және қытай тілдерінде хабар жүргізеді. 1966 жылы Сайгон телевизия стансасы жұмыс істейді. Оңтүстік Вьетнам патриоттары демократиялық бағытта 80-нен астам (1968 жылы) газет пен журнал шығарады. Олардың ең бастылары: "Зяй фонг" ("Азаттық") Оңтүстік Вьетнамды азат етудің ұлттық майданы ОК-нің органы, "Куан зяи фонг" ("Азаттық армиясы") халықтық қарулы күштер командованиесінің органы. 1961 жылы Оңтүстік Вьетнам Уақытша революциялық үкіметінің ақпараттық "Азаттық" агенттігі, ал 1962 жылы "Азаттық" радиостансасы жұмыс істейді.