Мальта Ұлттық Футбол Құрамасы
Мальта Ұлттық футбол құрамасы — халықаралық футбол турнирлерінде Мальтаның намысын қорғайтын құрама команда.
УЕФА және ФИФА мүшесі. Басқарушы орган - Мальта Футбол Қауымдастығы. Қазіргі (ақпан, 2018) бапкері - бельгиялық Том Саинтфит
| Мальта Ұлттық футбол құрамасы | |||
| Логотип | |||
| Лақап аты | Иоаниттер | ||
|---|---|---|---|
| Конфедерация | |||
| Федерация | Мальта Футбол Қауымдастығы | ||
| Бас бапкері | Том Саинтфит Бельгия | ||
| Капитаны | Майкл Мифсуд | ||
| Ең көп ойын саны | Майкл Мифсуд (123) | ||
| Үздік бомбардир | Майкл Мифсуд (40) | ||
| Үй стадионы | Ұлттық Стадион (Ла-Валетта) | ||
| Формасы | |||
| |||
| Бірінші ойын | |||
| Мальта 2:3 Аустрия | |||
| Ең ірі жеңіс | |||
| Мальта 7:1 Лихтенштейн | |||
| Ең ірі жеңіліс | |||
| Испания 12:1 Мальта | |||
Тарихы
Мальтада футбол сонау 19-ғасырда пайда болған болса да, елдің ұлттық құрамасы алғашқы ойынын 20 ғасырдың 50-жылдарында өткізген. Алғаш қатысқан ірі турнирі - 1964 жылғы Еуропа чемпионатының іріктеу кезеңі. Алғашқы раундта-ақ Даниядан екі кездесу қорытындысы бойынша 2:9 (1:6, 1:3) есебімен ойсырай ұтылған.
Әлем чемпионатының іріктеулеріне 1968 жылдан бері қатысып келеді. Осы турнирде 98 ойын өткізіп, не-бары екі кездесуде ғана жеңіске жеткен. 1993 жылы 12 мамырда Эстонияны, 2013 жылы 7 маусымда Арменияны 1:0 есептерімен ұтыпты. Еуропа чемпионаттарының іріктеулерінде көрсеткен нәтиже де осы шамалас: 102 ойынның үшеуінде ғана жеңіске жеткен.
Қызықты фактілер
ЕУРО-84 іріктеуінің соңғы турында (21 желтоқсан, 1983 жыл) Мальта құрамасы испандармен кездесті. Бірінші орындағы Нидерландыны басып озу үшін Испания құрамасы 11 доп айырмасымен ұтуы шарт еді. Матч 12:1 есебімен Испанияның жеңісімен аяқталды. Нидерланд тарапының шағымымен УЕФА өкілдері матчты қанша тексерсе де, "келісілген матч" дейтіндей ешбір себеп таппапты. Бұл — Мальта құрамасының тарихтағы ең ірі жеңілісі боп жылнамада жазылып қалды.
Ірі турнирлердегі көрсеткіштері
ӘЧ іріктеулерінде
| Құрама | Қатысу | О | Ұ | Т | Ж | СД | ЖД | +:- |
|---|---|---|---|---|---|---|---|---|
 Мальта | 9 | 98 | 2 | 9 | 87 | 32 | 290 | -258 |
ЕУРО іріктеулерінде
| Құрама | Қатысу | О | Ұ | Т | Ж | СД | ЖД | +:- |
|---|---|---|---|---|---|---|---|---|
| Мальта | 11 | 102 | 3 | 14 | 85 | 49 | 288 | -239 |
Сыртқы сілтемелер
- Мальта құрамасы жайлы ФИФА сайтында Мұрағатталған 4 желтоқсанның 2014 жылы.
- Мальта құрамасының барлық кездесулері Мұрағатталған 15 желтоқсанның 2014 жылы.
This article uses material from the Wikipedia Қазақша article Мальта Ұлттық футбол құрамасы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.