«Боруссия» Менхенгладбах — Германия футбол клубы, Менхенгладбах қаласынан.
Германияның бес дүркін чемпионы. Атауы әйгілі "Пруссия" сөзінен шыққан.
Команданың құрылғанына бір ғасырдан асты. Алғашқы табысына 1912 жылы қол жеткізді. А класында жеңіске жетіп, елдегі ең жоғары дивизионда ойнауға жолдама алды. Ол кезде жоғары дивизион Нидеррайн Фербандслигасы деп аталатын.
Команда 1919 жылы "Германия-1889" клубымен біріктірілді. Атауы сол себепті "ВФТуР 1889 М Гладбах" боп өзгерді. Көп ұзамай "Боруссия" М қайтадан бөлінді.
Команда өзінің алтын дәуірін 1970 жылдары бастан өткерді. 1964-75 жж аралығында клубты Хеннес Вайсслер жаттықтырып, елдегі белді клуб - "Баварияға" басты бәсекелес бола алды. 1969/70, 1970/71, 1974/75 жылдары Германияның чемпионы атана алғаны осыған дәлел. Вайсслерден соң команданың тізгінін Удо Латтек ұстап, 1975/75, 1976/77 жылдары "Боруссия" қатарынан екі маусым Германия чемпионатында топ жарды. 1977 жылы Чемпиондар Кубогының финалына шығып, Англияның "Ливерпуль" клубынан 1:3 есебімен ұтылып қалды. Ал, 1975, 1979 жылдары УЕФА кубогын жеңіп алды.
Содан кейін команда бұлай дәуірлей алмады. Тек 1995 жылы Германия кубогын жеңіп алды. Ал, 2016/17 маусымында Германия чемпионатында тоғызыншы орында қалды.
This article uses material from the Wikipedia Қазақша article Боруссия (футбол клубы, Менхенгладбах), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.