„სახურავის ბინადარი კარლსონი კვლავ მოფრინდა“ (შვედ.
მისი ავტორია ასტრიდ ლინდგრენი.
„სახურავის ბინადარი კარლსონი კვლავ მოფრინდა“ | |
---|---|
Karlsson på taket flyger igen | |
წიგნის გარეკანი, შვედური გამოცემა | |
ავტორი | ასტრიდ ლინდგრენი |
ილუსტრატორი | ილონ ვიკლანდი |
ქვეყანა | შვედეთი |
ენა | შვედური |
თემა | მეგობრობა |
ჟანრი | ფენტეზი |
გამომცემელი | Rabén & Sjögren |
გამოცემის თარიღი | 1962 |
წინამორბედი | „ბიჭუნა და სახურავის ბინადარი კარლსონი“ |
მომდევნო | „სახურავის ბინადარი კარლსონი კვლავ ოინბაზობს“ |
ბიჭუნა ბრუნდება სოფლიდან, სასკოლო არდადეგების შემდეგ. მისი ოჯახის წევრები იძულებულები არიან, გაემგზავრონ სხვადასხვა მიზეზით. სახლში რჩება ფრეკენ ბოკი - მკაცრი შინაბერა ქალბატონი, რომლის მორჯულებას საკუთარ თავზე კარლსონი იღებს. თავდაპირველად იგი მას ისეთ შთაბეჭდილებას შეუქმნის, თითქოს სახლში ნამდვილი მოჩვენება ცხოვრობს და შეშინებული ’’შინამტანჯველი’’ (ასე მას უწოდებს კარლსონი) ტელევიზიის მისამართით აგზავნის წერილს, რომელშიც სთავაზობს, გადაიღონ სპეციალური გადაცემა ამ მოვლენის შესახებ. ამასთან მას ამოძრავებს კონკურენციის ფაქტორი - მის დას, ფრიდას, ასევე სწამს მოჩვენებების არსებობის და ირწმუნება, რომ მასთან ასევე სტუმრობდნენ მოჩვენებები.
მაგრამ მოგვიანებით ნათელი ხდება, თუ ვინ აშინებდა ფრეკენ ბოკს. კამათისა და ჩხუბის შემდეგ, ’შინამტანჯველი’ პოზიციებს თმობს და, ნაწილობრივ არბილებს საკუთარ ხასიათს. ტელევიზიიდან სტუმრად მოსული თანამშრომელი კი დიდ ინტერესს იჩენს მის მიერ მომზადებული სოუსის მიმართ (რომელსაც კარლსონი საწამლავს ადარებს) და ფრეკენ ბოკს ტელეეკრანზე მოხვედრის ალტერნატიულ გზას სთავაზობს - კულინარიულ გადაცემაში სოუსის წარდგენით. შინ დაბრუნებულ ოჯახთან ერთად კარლსონი ერთ-ერთ საღამოს სწორედ ამ გადაცემას უყურებს.
This article uses material from the Wikipedia ქართული article სახურავის ბინადარი კარლსონი კვლავ მოფრინდა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.