„ბიჭუნა და სახურავის ბინადარი კარლსონი“ (შვედ.
Lillebror och Karlsson på taket) — რიგით პირველი წიგნი კარლსონის შესახებ ზღაპრების სერიაში. მისი ავტორია ასტრიდ ლინდგრენი.
„ბიჭუნა და სახურავის ბინადარი კარლსონი“ | |
---|---|
Lillebror och Karlsson på taket | |
წიგნის გარეკანი, შვედური გამოცემა | |
ავტორი | ასტრიდ ლინდგრენი |
ილუსტრატორი | ილონ ვიკლანდი |
ქვეყანა | შვედეთი |
ენა | შვედური |
თემა | მეგობრობა |
ჟანრი | ფენტეზი |
გამომცემელი | Rabén & Sjögren |
გამოცემის თარიღი | 1955 |
მომდევნო | „სახურავის ბინადარი კარლსონი კვლავ მოფრინდა“ |
ბიჭუნა ოჯახში ყველაზე საყვარელი ბავშვია, თუმცა მის გარდა იქ აგრეთვე ბოსე (ძმა) და ბეტანი (და) ცხოვრობენ. ერთ დღეს ბიჭუნა ყველაზე და ყველაფერზე ნაწყენია. ამ დროს ფანჯარას ჩაუფრენს პროპელერიანი, სახურავის ბინადარი კაცუნა კარლსონი, რომელიც იმ დღიდან მისი დიდი მეგობარი ხდება. სხვები თვლიან, რომ იგი მხოლოდ ბიჭუნას ფანტაზიის ნაყოფია. მაგრამ ყველაფერი უფრო სერიოზულ ტონს იძენს მას შემდეგ, რაც კარლსონს ბიჭუნა თავისთან სახურავზე, სტუმრად მომცრო ზომის სახლში მიჰყავს.
ბიჭუნა ასევე ოცნებობს საკუთარ ძაღლზე. დაბადების დღეზე იგი, როგორც იქნა, მიიღებს ამ საჩუქარს. მაგრამ დაბადების დღეზე მისი ოჯახი დარწმუნდება, რომ კარლსონი ნამდვილად არსებობს - ვინაიდან იგი თავად ეწვევა ბიჭუნას.
სტოკჰოლმურ გაზეთში ერთხელ გამოქვეყნდა განცხადება: „100 000 კრონი მას, ვინც მოძებნის სახურავს, რომელზეც კარლსონის სახლი მდებარეობს.“ ლინდგრენმა გამოთქვა ვარაუდი, რომ ბავშვები დაიწყებდნენ სახურავებზე ასვლას. ამ საშიშროების თავიდან ასაცილებლად თავად გამოაქვეყნა მისამართი - „სტოკჰოლმი, ვულკანუსგატანი, 12“. ამ მისამართზე ოდესღაც თავად ცხოვრობდა.
This article uses material from the Wikipedia ქართული article ბიჭუნა და სახურავის ბინადარი კარლსონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.