იალუძიანგი
იალუძიანგი (ჩინ.
სიგრძე 813 კმ, აუზის ფართობი 63 ათ. კმ². სათავეს იღებს ვულკან პექტუსანის ფერდობებზე, ღრმა ხეობით კვეთს ჩანბაიშანის ზეგნის სამხრეთ ნაწილსა და მანჯურია-კორეის მთების დასავლეთ განშტოებებს; ჩაედინება ყვითელი ზღვის დასავლეთ კორეის ყურეში, წარმოქმნის ესტუარებს. ძირითადად იკვებება წვიმის წყლით, წყალმოვარდნა იცის ზაფხულში. ზამთარში იყინება. ქვემო დინებაზე წყლის საშუალო ხარჯია დაახლოებით 900 მ³/წმ. მდინარეზე აგებულია უნბონისა და სუფუნის წყალსაცავები და ჰესები (ჩრდილოეთი კორეა). იალუძიანგზე მდებარეობს ქალაქები: ჰესანი (მდინარე აქედან სანაოსნოა), სინიიჯუ (ჩრდილოეთი კორეა), ლინძიანგი, ანდუნი (ჩინეთი). ანდუნამდე ადიან საზღვაო ხომალდები.
| იალუძიანგი ჩინ.: 鸭绿江, კორ. 압록강 | |
|---|---|
 ხიდი მდინარე იალუძიანგზე | |
| ქვეყანა |  ჩინეთი ჩრდილოეთი კორეა |
| ქალაქები | ჰესანი, სინიიჯუ, ლინძიანგი, ანდუნი |
| სათავე | პექტუსანი 41°58′08″ ჩ. გ. 128°04′24″ ა. გ. / 41.96889° ჩ. გ. 128.07333° ა. გ. |
| შესართავი | დასავლეთ კორეის სრუტე 39°50′03″ ჩ. გ. 124°18′58″ ა. გ. / 39.83417° ჩ. გ. 124.31611° ა. გ. |
| სიგრძე | 813 კმ |
| აუზის ფართობი | 63 ათ. კმ² |
| წყლის ხარჯი (საშ.) | 900 მ³/წმ |
 | |
    — სათავე,  — შესართავი | |
 იალუძიანგი ვიკისაწყობში | |
1904 წელს, რუსეთ-იაპონიის ომის დროს, მდინარის ნაპირებთან გაიმართა სამხედრო დაპირისპირება რუსეთისა და იაპონიის არმიებს შორის.
სქოლიო
This article uses material from the Wikipedia ქართული article იალუძიანგი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.