გელა ბეჟუაშვილი
გელა ბეჟუაშვილი (დ.
1 მარტი, 1967, მანგლისი) — ქართველი პოლიტიკოსი, სხვადასხვა დროს საქართველოს საგარეო საქმეთა და თავდაცვის მინისტრი, უშიშროების საბჭოს მდივანი და საქართველოს სადაზვერვო სამსახურის უფროსი.
| გელა ბეჟუაშვილი | |
 ფოტო გადაღებულია გელა ბეჟუაშვილისა და აშშ-ის თავდაცვის მინისტრის მოადგილის, პოლ ვოლფოვიცის, შეხვედრის დროს 2004 წელს. | |
| საქართველოს საგარეო საქმეთა მინისტრი | |
|---|---|
| თანამდებობაზე ყოფნის დრო | |
| 19 ოქტომბერი 2005 – 31 იანვარი 2008 | |
| წინამორბედი | სალომე ზურაბიშვილი |
| მემკვიდრე | დავით ბაქრაძე |
საქართველოს სადაზვერვო სამსახურის უფროსი | |
| თანამდებობაზე ყოფნის დრო | |
| 1 თებერვალი, 2008 – 27 დეკემბერი, 2013 | |
საქართველოს თავდაცვის მინისტრი | |
| თანამდებობაზე ყოფნის დრო | |
| 17 თებერვალი, 2004 – 10 ივნისი, 2004 | |
| დაბადებული | 1 მარტი, 1967 მანგლისი |
| ხელმოწერა | .svg) |
ბიოგრაფია
1991 წელს დაამთავრა კიევის სახელმწიფო უნივერსიტეტის საერთაშორისო ურთიერთობებისა და საერთაშორისო სამართლის საერთაშორისო სამართლის ფაკულტეტი და მიენიჭა საერთაშორისო სამართლის იურისტის კვალიფიკაცია. 1997 წელს დაამთავრა ტეხასის უნივერსიტეტის სამართლის სკოლა (აშშ), რის შემდგომაც მიენიჭა სამართლის მაგისტრის აკადემიური ხარისხი. 2003 წელს სწავლობდა ჰარვარდის უნივერსიტეტის კენედის სახელობის სახელმწიფო მოხელეთა სკოლაში (აშშ). სხვადასხვა დროს გავლილი აქვს სპეციალური კურსები სამართლისა და სახელმწიფო მართვის საკითხებში აშშ-სა და ევროპის წამყვან უნივერსიტეტებში. 1996 – დაჯილდოებულია აშშ-ს მთავრობის სტიპენდიით. 1998 წელს დაჯილდოებულია გაერო-ს სტიპენდიით.
სამუშაო გამოცდილება
.jpg)
- 1991-1993 - მუშაობდა საქართველოს საგარეო საქმეთა სამინისტროს საერთაშორისო სამართლებრივ სამმართველოში სხვადასხვა თანამდებობებზე.
- 1993-1996 - საქართველოს საგანგებო და სრულუფლებიანი დესპანი ყაზახეთის რესპუბლიკაში.
- 1997-2000 - საქართველოს საგარეო საქმეთა სამინისტროს საერთაშორისო-სამართლებრივი დეპარტამენტის დირექტორი.
- 2000-2004 - საქართველოს თავდაცვის მინისტრის მოადგილე
- 2004 - საქართველოს პირველი სამოქალაქო თავდაცვის მინისტრი.
- 2004-2005 - საქართველოს პრეზიდენტის თანაშემწე ეროვნული უშიშროების საკითხებში – ეროვნული უშიშროების საბჭოს მდივნი.
- 2005 - 2008 საქართველოს საგარეო საქმეთა მინისტრი.
- 1998-2000 - აქტიურად თანამშრომლობდა ევროპულ სტრუქტურებთან:იყო ევროპის საბჭოს სახელმწიფო მრჩეველთა კომოტეტის ექსპერტი საერთაშორისო სამართლის სფეროში (CAHDI); ევროპის საბჭოს კორუფციის წინააღმდეგ მებრძოლი ჯგუფის ექსპერტი (GMS); ევროპის საბჭოს ეროვნული უმცირესობათა დაცვის კომიტეტის ექსპერტი (DH-MIN); ევროპის საბჭოს ვენეციის კომისიის ექსპერტი (საკონსტიტუციო სამართალი).
- 1999 - იყო საქართველოს დელეგაციის ხელმძღვანელი BSEC-ის მაღალი დონის ოფიციალურ მოლაპარაკებებსა და შეხვედრებზე, ქ. სტამბოლში, ქ. სალონიკსა და ქ. კიშინიოვში. აგრეთვე, საქართველოს დელეგაციის ხელმძღვანელი იუსტიციის მინისტრთა კონფერენციებზე ქ. კიშინიოვში.
- 1997-1999 - იყო საქართველოს საგარეო საქმეთა სამინისტროს სამუშაო ჯგუფის ხელმძღვანელი საქართველოს ევროპის საბჭოში გაწევრიანებასთან დაკავშირებით.
- 2000 - ძირითად საქმიანობასთან პარალელურად ეწევა სამეცნიერო მოღვაწეობას საერთაშორისო სამართლის საკითხებზე. გამოქვეყნებული აქვს რამდენიმე ნაშრომი და წიგნი.
მინიჭებული აქვს საგანგებო და სრულუფლებიანი ელჩის დიპლომატიური რანგი და ნამდვილი სახელმწიფო მრჩევლის საკლასო ჩინი. გელა ბეჟუაშვილი დასახელებულ იქნა 2004 წლის ადამიანად აშშ-ის ბიოგრაფიული კვლევების ინსტიტუტის მიერ.
რესურსები ინტერნეტში
- გელა ბეჟუაშვილი დაარქივებული 2016-03-05 საიტზე Wayback Machine.
| პოლიტიკური თანამდებობები | ||
|---|---|---|
| წინამორბედი: დავით თევზაძე | თავდაცვის მინისტრი 2004 | შემდეგი: გიორგი ბარამიძე |
| წინამორბედი: ივანე მერაბიშვილი | ეროვნული უშიშროების საბჭოს მდივანი 2004 – 2005 | შემდეგი: ლევან ჭოლაძე |
| წინამორბედი: სალომე ზურაბიშვილი | საგარეო საქმეთა მინისტრი 2005 – 2008 | შემდეგი: დავით ბაქრაძე |
This article uses material from the Wikipedia ქართული article გელა ბეჟუაშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.