2016 წლის ფილმი ჯუნგლების წიგნი
ჯუნგლების წიგნი (ინგლ.
ფილმი დაფუძნებულია რადიარდ კიპლინგის ამავე სახელწოდების ნამუშევარზე და შთაგონებული Walt Disney-ის 1967 წლის ამავე სახელწოდების ანიმაციური ფილმით, ჯინგლების წიგნი არის გაცოცხლებული სახის ფილმი, რომელიც მოგვითხრობს მაუგლის, ობოლი ადამიანი ბიჭის შესახებ. ფილმში მონაწილეობას იღეებს ნეელ სეთი, ხოლო ზოგიერთ პერსონაჟებს ახმოვანებენ: ბილ მიურეი, ბენ კინგსლი, იდრის ელბა, ლუპიტა ნიონგ'ო, სკარლეტ იოჰანსონი, ჯანკარლო ესპოზიტო, და კრისტოფერ უოკენი.
| „ჯუნგლების წიგნი“ | |
|---|---|
.jpg) | |
| ინგლ. The Jungle Book | |
| რეჟისორი | ჯონ ფავრო |
| პროდიუსერი | ჯონ ფავრო ლისონ შრეამური ბრიგჰამ ტაილორი |
| ეფუძნება | რადიარდ კიპლინგის ჯუნგლების წიგნს |
| როლებში | |
| კომპოზიტორი | ჯონ დებნი |
| მწარმოებელი კომპანია |
|
| დისტრიბუტორი | Walt Disney Studios Motion Pictures |
| გამოსვლის თარიღი | 4 აპრილი, 2016 (ელ კაპიტანის თეატრი) 15 აპრილი, 2016 (აშშ) |
| ხანგრძლივობა | 106 წუთი |
| ქვეყანა |  ამერიკის შეერთებული შტატები |
| ენა | ინგლისური |
| ბიუჯეტი | 175–177 მილიონი აშშ დოლარი |
| შემოსავალი | 966.6 მილიონი აშშ დოლარი |
ფავრომ, მარქსმა და პროდიუსერმა ბრიგამ ტეილორმა შეიმუშავეს ფილმის სიუჟეტი, როგორც დაბალანსებულია დისნეის ანიმაციურ ადაპტაციასა და კიპლინგის ორიგინალური ნამუშევრებით. ძირითადი გადაღებები 2014 წელს დაიწყო, ლოს-ანჯელესში. ფილმისთვის საჭირო იყო კომპიუტერული გრაფიკა, რათა ცხოველი პერსონაჟები მაქსიმალურად რეალურთან მიახლოებულად გადმოეცათ.
ჯუნგლების წიგნი გამოვიდა შეერთებულ შტატებში Disney Digital 3D, RealD 3D, IMAX 3D, D-Box და პრემიუმ დიდ ფორმატებში, 2016 წლის 15 აპრილს. ფილმი კრიტიკოსებმა მოიწონეს. მას კომერციული წარმატებაც მოჰყვა, ფილმმა მსოფლიოს მასშტაბით 966 მილიონ აშშ დოლარზე მეტი გამოიმუშავა, რითაც ის 2016 წლის მეხუთე ყველაზე მაღალშემოსავლიანი ფილმია. ფილმი შეაქეს ვიზუალური ეფექტების, ვოკალური წარმოდგენების, რეჟისურის, მუსიკალური გაფორმებისა და ორიგინალური ანიმაციური ფილმისა და კიპლინგის რომანის ერთგულებისთვის. ვიზუალური ეფექტების კატეგორიაში ის ნომინირებული იყო ოსკარის 89-ე დაჯილდოებაზე, ასევე კრიტიკოსთა არჩევანის 22-ე და ბრიტანეთის 70-ე აკადემიის ჯილდოებზე.
პრემიერა
თავდაპირველად ფილმის გამოსვლა დაგეგმილი იყო 2015 წლის 9 ოქტომბერს, მაგრამ ფილმის გამოსვლის თარიღი მოგვიანებით Walt Disney Studios Motion Pictures– მა გადადო 2016 წლის 15 აპრილამდე. ფილმი გამოვიდა Dolby Vision ფორმატში აშშ-ის Dolby Cinema– ში, და არის პირველი ფილმი, რომელიც გამოვიდა Dolby Vision 3D– ში ( ნიუ – იორკის რამდენიმე შერჩეულ კინოთეატრში და ჩიკაგოში). ჯუნგლების წიგნის მსოფლიო პრემიერა შედგა ელ კაპიტანის თეატრში 2016 წლის 4 აპრილს.
რომანიზაცია
ჯოშუა პრუეტისა და სკოტ პიტერსონის მიერ დაწერილი ფილმის რომანიზაცია გამოიცა Disney Publishing Worldwide– ის მიერ 2016 წლის 1 მარტს.
გამოხმაურება
შემოსავალი
ფილმმა უდიდესი ფინანსური წარმატება მოიპოვა. მას მცირე ხნით ეკავა ყველა დროის ყველაზე დიდი რიმეიკის ადგილი, სანამ სტუდია მზეთუნახავი და მხეცს არ გამოუშვებდა. ფილმმა გამოიმუშავა 364 მილიონი აშშ დოლარი შეერთებულ შტატებსა და კანადაში და 602,5 მილიონი აშშ დოლარი სხვა ქვეყნებში, რაც საერთო ჯამში 966,6 მილიონი დოლარია. ფილმის ბიუჯეტი 175 მილიონი დოლარი იყო. 13 მაისს ის გახდა 2016 წლის მეორე ფილმი (სტუდიის კუთვნილება ზოოტოპიის შემდეგ), რომელმაც 800 მილიონზე მეტი გამოიმუშავა. 10 ივნისს, იგი გახდა 2016 წლის მესამე ფილმი ზოოტოპიასა და კაპიტანი ამერიკა: სამოქალაქო ომის შემდეგ, რომელმაც 900 მილიონი დოლარი გამოიმუშავა. Deadline Hollywood-მა დაადგინა, რომ რომ ფილმის წმინდა მოგება 258 მილიონი დოლარი იყო, ყველა დანახარჯის გათვალისწინებით ფილმი მომგებიანობის მიხედვით 2016 წელს მე-6 იყო.
რესურსები ინტერნეტში
სქოლიო
This article uses material from the Wikipedia ქართული article ჯუნგლების წიგნი (2016 წლის ფილმი), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.