ხულო — დაბა აჭარის ავტონომიურ რესპუბლიკაში, ხულოს მუნიციპალიტეტის ადმინისტრაციული ცენტრი.
მდებარეობს მდინარე აჭარისწყლის ხეობაში, ახალციხე-ბათუმის საავტომობილო გზაზე, ზღვის დონიდან 923 მ, ბათუმიდან 88 კმ., თბილისიდან 438 კმ. მოსახლეობა 1007 ადამიანი (2014). დაბაში არის ადმინისტრაციული, კულტურის, განათლების და ჯანდაცვის დაწესებულებები, მცირე საწარმოები.
დაბა | |||
---|---|---|---|
ხულო | |||
ჯაბა ლაბაძის ფოტო | |||
| |||
ქვეყანა | საქართველო | ||
ავტონომიური რესპუბლიკა | აჭარის ავტონომიური რესპუბლიკა | ||
მუნიციპალიტეტი | ხულოს მუნიციპალიტეტი | ||
კოორდინატები | 41°38′40″ ჩ. გ. 42°18′50″ ა. გ. / 41.64444° ჩ. გ. 42.31389° ა. გ. | ||
დაარსდა | 1964 | ||
ამჟამინდელი სტატუსი | 1964 | ||
ცენტრის სიმაღლე | 923 მ | ||
მოსახლეობა | 1007 კაცი (2014) | ||
ეროვნული შემადგენლობა | ქართველები 99,7 % | ||
სასაათო სარტყელი | UTC+4 | ||
სატელეფონო კოდი | +995 423 | ||
საფოსტო ინდექსი | 6500 | ||
სახელწოდება „ხულოს“ ძველი ფორმაა „ხულა“ და ნიშნავს სავაჭრო სახლს. შუა საუკუნეებში აქ გადიოდა სავაჭრო-საქარავნო გზა, რომელიც სამცხე-ჯავახეთს გოდერძის უღელტეხილით აჭარა-შავიზღვისპირეთთან აკავშირებდა. ოსმალთა ბატონობის ხანაში ზემო აჭარის პოლიტიკურმა ცენტრმა სხალთიდან ხულოში გადაინაცვლა. 1874 წელს მისი მოსახლეობა 100 კომლზე მეტი არ იქნებოდა ხულოში იდგა ეკლესია, რომლის ქვები ხიმშიაშვილებმა ჯამესა და სხვა შენობებზე გამოიყენეს. რუსეთ-ოსმალეთის 1877-1878 წლების ომისა და შემდგომი მუჰაჯირობის გამო ხულოს მოსახლეობა მნიშვნელოვნად შემცირდა. 1892 წელს სოფელში გაიხსნა სასწავლებელი
1924 წლიდან გახდა ხულას მაზრის ცენტრი. დაბის სტატუსი მიიღო 1964 წელს. ხულოს სადაბო საბჭო მოიცავდა სოფლებს განახლება, გოდგაძეები, გუდასახო, დეკანაშვილები, დიაკონიძეები, დუაძეები, ელელიძეები, კურცხალი, ოქრუაშვილები, უჩხო, ქედლები, ძირკვაძეები. საბჭოთა პერიოდში განვითარებული იყო მეთამბაქოეობა, მოქმედებდა სამკერვალო, ელექტრომექანიკური და ლიმონათის საწარმოები. 1984 წელს დადგეს ლენინის ძეგლი.
აღწერის წელი | მოსახლეობა |
---|---|
1939 | 883 |
1959 | 809 |
1970 | 1170 |
1979 | 825 |
1989 | 1131 |
2002 | 1142 |
2014 | 1007 |
2022 | 902 |
This article uses material from the Wikipedia ქართული article ხულო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.