ხახიეთის ტბა — 1991 წლის მიწისძვრის შედეგად წარმოქმნილი ტბა საჩხერის მუნიციპალიტეტში, მდინარე ხახიეთისწყლის ხეობაში.
ხახიეთის ტბა | |
---|---|
კოორდინატები: 42°24′02″ ჩ. გ. 43°36′00″ ა. გ. / 42.400750° ჩ. გ. 43.600000° ა. გ. | |
მდებარეობა | საქართველო |
ტერიტორიული ერთეული | საჩხერის მუნიციპალიტეტი (იმერეთის მხარე) |
სიგრძე | 0,3 კმ |
სიგანე | 0,08 კმ |
მაქსიმალური სიღრმე | 15 მ |
მიწისძვრის შედეგად ჩამოიშალა კლდე, რომელმაც გადაკეტა მდინარე ხახიეთისწყალის ვიწრო ხეობა და წარმოიქმნა 100 მეტრი სიგანის და 300 მ სიგრძის ტბა. მიწისძვრის შედეგად ჩამოშლილი მასალის ქვეშ მოჰყვა 20-კომლიანი სოფელი 45 მცხოვრებით. მდინარის დონე ჩამოშლილი მასალის ხარჯზე აიწია 20 მეტრით მაღლა. კლდეზვავური წარმოშობის ხახიეთის ტბა მდინარე ხახიეთისწყლის გაყოლებით სამხრეთიდან ჩრდილოეთისაკენ გადაჭიმულია დაახლოებით 300 მეტრზე, სიგანე 80 მეტრია, ხოლო მაქსიმალური სიღრმე 15 მეტრი.
ტბა 1991 წელს ცხეპარის მთიდან უზარმაზარი მასის ჩამოწყვეტის შედეგად მდინარე ხახიეთისწყლის ხეობის გადაკეტვის დროს წარმოიქმნა. ხახიეთის ტბის ფართობი მდინარე ხახიეთისწყლის წყალდიდობის შედეგად ნელ-ნელა მცირდება მდინარის მიერ ჩამოტანილი უზარმაზარი ნაშალი მასალის გამო. ტბის მიმდებარე ფერდობებზე მცენარეული საფარი, ძირითადად, მიწისძვრის შემდგომ პერიოდში განვითარდა. მცენარეულობიდან გვხვდება მურყანი, ტირიფი, თხილი, ბუჩქოვანი მცენარეები. ტბაში ბინადრობენ ამფიბიები, ქვეწარმავლები, თევზებიდან კალმახი, მურწა.
This article uses material from the Wikipedia ქართული article ხახიეთის ტბა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.