„შურისმაძიებლები: დასასრული“ (ინგლ.
ფილმი აწარმოა კომპანია Marvel Studios-მა, ხოლო დისტრიბუცია გაუწია Walt Disney Studios Motion Pictures-მა. იგი არის „შურისმაძიებლების“ (2012), შურისმაძიებლები: ულტრონის ეპოქისა“ (2015) და „შურისმაძიებლები: უსასრულობის ომის“ პირდაპირი გაგრძელება. რეჟისორები არიან ენტონი და ჯო რუსო, სცენარის ავტორები — კრისტოფერ მარკუსი და სტივენ მაკფილი. მონაწილეობენ: რობერტ დაუნი უმცროსი, კრის ევანზი, მარკ რუფალო, კრის ჰემსვორთი, სკარლეტ იოჰანსონი, ჯერემი რენერი, დონ ჩიდლი, პოლ რუდი, ბრი ლარსონი, კერენ გილანი, დანაი გურირა, ბენედიქტ ვონგი, ჯონ ფავრო, ბრედლი კუპერი, გვინეთ პელტროუ, ჯოშ ბროლინი.
„შურისმაძიებლები: დასასრული“ | |
---|---|
რეჟისორი | |
პროდიუსერი | კევინ ფაიგი |
სცენარის ავტორი | |
ეფუძნება | სტენ ლი და ჯეკ კირბი — შურისმაძიებლები |
როლებში | |
მუსიკა | ალან სილვესტრი |
ოპერატორი | ტრენტ ოპალოქი |
მონტაჟი |
|
მწარმოებელი კომპანია | Marvel Studios |
დისტრიბუტორი | Walt Disney Studios Motion Pictures |
გამოსვლის თარიღი |
|
ბიუჯეტი | 356 მილიონი აშშ დოლარი |
შემოსავალი | 2.796 მილიარდი აშშ დოლარი |
დაანონსდა 2014 წლის ოქტომბერში სახელწოდებით „შურისმაძიებლები: უსასრულობის ომი — ნაწილი 2“. ძმები რუსოები პროექტს შეუერთდნენ 2015 წლის აპრილში. ამავე წლის მაისში სცენარისტებად დაიქირავეს კრისტოფერ მარკუსი და სტივენ მაკფილი. 2018 წლის დეკემბერში მარველმა ფილმი დაასათაურა როგორც „შურისმაძიებლები: დასასრული“. გადაღებები დაიწყო 2017 წლის აგვისტოში ფეიეტის ოლქში, ჯორჯიის შტატში და მიმდინარეობდა „უსასრულობის ომის“ პარალელურად 2018 წლამდე. დამატებით გადაღებები მიმდინარეობდა ატლანტაში, ნიუ-იორკსა და შოტლანდიაში. ბიუჯეტმა შეადგინა 356 მილიონი აშშ დოლარი, რითაც გახდა ისტორიაში მესამე ყველაზე ძვირადღირებული ფილმი.
„შურისმაძიებლების“ პრემიერა გაიმართა 2019 წლის 22 აპრილს Los Angeles Convention Center-ში, ჩინეთში, ავსტრალიაში, ევროპისა და და აზიის სხვა ქვეყნებში ნაჩვენები იქნა იმავე წლის 24 აპრილს, ხოლო აშშ-ის თეატრებში — პრემიერიდან 4 დღის შემდეგ IMAX და 3D ფორმატებში. ფილმმა მიიღო უმაღლესი შეფასებები კინოკრიტიკოსებისგან, რომელთაც ძირითადად შეაქეს რეჟისურა, მსახიობთა შესრულება, მუსიკა, ვიზუალური ეფექტები და ემოციური სიმძიმე. საერთო განხილვების აგრეგატორ Rotten Tomatoes-ზე ფილმი ფლობს 94%. საერთო ჯამში შემოსავალმა 2.7 მილიარდ აშშ დოლარს გადააჭარბა, რითაც მოხსნა მანამდე არსებული უამრავი რეკორდი და იქცა 2019 წლის ყველაზე შემოსავლიან და ყველა დროის ყველაზე შემოსავლიან ფილმად.
This article uses material from the Wikipedia ქართული article შურისმაძიებლები: დასასრული, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.