ფილიპ ლამი
ფილიპ ლამი (გერმ.
11 ნოემბერი, 1983, მიუნხენი, გერმანია) — გერმანელი ფეხბურთელი, მიუნხენის „ბაიერნის“ ყოფილი კაპიტანი.
 | |||
| პირადი მონაცემები | |||
|---|---|---|---|
| სრული სახელი | ფილიპ ლამი | ||
| დაბადების თარიღი | 11 ნოემბერი, 1983 | ||
| დაბადების ადგილი | მიუნხენი, დასავლეთ გერმანია | ||
| სიმაღლე | 170 სმ. | ||
| სათამაშო პოზიცია | განაპირა მცველი | ||
| ახალგაზრდული კარიერა | |||
| 1989–1995 | FT Gern München | ||
| 1995–2001 | ბაიერნი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2001–2003 | ბაიერნი II | 63 | (3) |
| 2002–2017 | ბაიერნი | 260 | (8) |
| 2003–2005 | → შტუტგარტი | 53 | (2) |
| სულ | 448 | (17) | |
| ეროვნული ნაკრები | |||
| 2003 | გერმანია 21 წლ. | 3 | (0) |
| 2004–2014 | გერმანია | 113 | (5) |
| * პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
სანაკრებო კარიერა
ფილიპ ლამმა გერმანიის ნაკრებში პირველი მატჩი ჩაატარა 2004 წლის თებერვალში ხორვატიის ნაკრების წინააღმდეგ. ლამმა შეუცვლელად ითამაშა ევრო 2004-ზე გერმანიის მიერ გამართულ სამივე მატჩში. მიუხედავად გერმანიის ნაკრების ჩავარდნისა, ლამის ასპარეზობა გამორჩეულად დადებითად იყო შეფასებული.
ლამმა გაიტანა პირველი გოლი გერმანიაში გამართული მუნდიალი 2006-ის გახსნით მატჩში. ლამმა გოლი კოსტა-რიკის ნაკრებს გაუტანა. გერმანიამ ის მატჩი 4–2 მოიგო და საბოლოოდ ტურნირში მესამე ადგილი დაიკავა.
ევრო 2008-ზე ლამმა გაიტანა გადამწყვეტი გოლი თურქეთის ნაკრების კარში, მატჩის 90-ე წუთზე და მატჩის საუკეთესო მოთამაშედაც დასახელდა. გერმანიამ 3–2 მოიგო და ფინალში გავიდა. თავად ლამმა ეს გოლი კარიერის უმნიშვნელოვანეს გოლად შეაფასა. ფინალში გერმანია ესპანეთის ნაკრებთა დამარცხდა. მატჩის ერთადერთი გოლი ფერნანდო ტორესმა ლამისა და მეკარე იენს ლემანის ორმხრივი შეცდომის შედეგად გაიტანა. ლამი და გერმანიის ნაკრები ვერცხლის მედლებს დასჯერდნენ.
2010 წლის მუნდიალზე ლამი ნაკრების კაპიტნად დაინიშნა. მან შეცვალა დაშავებული მიხაელ ბალაკი. მან პირველივე მატჩში ერთი საგოლე გადაცემა მიითვალა. გერმანია ამ მუნდიალზეც ბრინჯაოს მედლების ლაურეატი გახდა.
ევრო 2012-ზე ლამმა ერთი გოლი გაიტანა მეოთხედფინალში საბერძნეთის წინააღმდეგ მატჩში, რომელიც გერმანიამ 4–2 მოიგო. ნახევარფინალში გასული გერმანიის ნაკრები იტალიამ დაამარცხა ანგარიშით 2–0.
2014 წლის მსოფლიო ჩემპიონატი ლამმა დაიწყო საყრდენი ნახევარმცველის პოზიციაზე. მერვედფინალიდან იოახიმ ლევმა, რომელმაც ტრავმის გამო დაკარგა მარჯვენა მცველი შხოდრან მუსტაფი, დააბრუნა ლამი მისთვის ჩვეულ მარჯვენა მცველის პოზიციაზე. ლამმა ნაკრებთან ერთად მოიგო ჩემპიონატი. მუნდიალის დასრულების შემდეგ ლამმა განაცხადა სანაკრებო კარიერის დასრულების შესახებ.
ნაკრების რიგებში ლამმა 10 წლის მანძილზე 113 მატჩში ითამაშა.
სათამაშო პოზიცია
ლამმა კარიერა დაიწყო როგორც მარცხენა მცველმა. 2010 წლიდან ის ჯერ კლუბში, ხოლო შემდეგ ნაკრებშიც მარჯვენა მცველის პოზიციაზე გადაიყვანეს. 2013–14 წლების სეზონში „ბაიერნის“ მწვრთნელად დანიშნულმა გვარდიოლამ ლამს ამპლუა შეუცვალა და მას საყრდენ ნახევარმცველად ათამაშებდა. იგივე გაიმეორა გერმანიის ნაკრების მწვრთნელმა იოახიმ ლევმა, რომელმაც ლამი ასევე საყრდენი ნახევარმცველის პოზიციაზე დააყენა 2014 წლის მუნდიალზე. თუმცა ამავე ჩემპიონატზე პლეი-ოფის ეტაპიდან ლამი ჩვეულ, მარჯვენა მცველის პოზიციას დაუბრუნდა.
მიღწევები
საკლუბო
- ბუნდესლიგის ჩემპიონი (6): 2003, 2006, 2008, 2010, 2013, 2014
- გერმანიის თასის მფლობელი (6): 2003, 2006, 2008, 2010, 2013, 2013
- უეფას ჩემპიონთა ლიგის გამარჯვებული: 2013
- უეფას ჩემპიონთა ლიგის ვერცხლის პრიზიორი (2): 2010, 2012
სანაკრებო
რესურსები ინტერნეტში
სქოლიო
This article uses material from the Wikipedia ქართული article ფილიპ ლამი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.