საფეხბურთო კლუბი სპორტინგი ხიხონი

დაარსდა 1905 წლის 1 ივნისს, ატურიის ავტონომიური გაერთიანების ქალაქ ხიხონში. ასპარეზობს ესპანეთის პრიმერა დივიზიონში. საშინაო მატჩებს ატარებს სტადიონ ელ მოლნონზე. კლუბის ზედმეტსახელია „Los Rojiblancos“ (წითელ-თეთრები), საშინაო ფორმაზე არსებული წითელი და თეთრი ვერტიკალური ზოლების გამო. კლუბის პრინციპული მეტოქეა, ასევე ასტურიული „რეალ ოვიედო“.

სპორტინგი ხიხონი

სრული სახელი	Real Sporting de Gijón S.A.D
მეტსახელი	წითელ-თეთრები (ესპ. Los Rojiblancos)
დაარსდა	1 ივნისი, 1905; 118 წლის წინ (1905-06-01)
სტადიონი	ელ მოლინონი ხიხონი, ასტურია (ტევადობა: 30,000 მაყურებელი)
პრეზიდენტი	ხავიერ ფერნანდესი
მწვრთნელი	რუბი
კაპიტანი	ალბერტო ლორა
ლიგა	სეგუნდა დივიზიონი
2017-18	მე-4 ადგილი
ძირითადი ფორმა რეზერვის ფორმა

კლუბი დაარსდა 1905 წელს, როგორც „სპორტინგი ხიხონი“. პირველი პრეზიდენტი იყო ანსელმო ლოპესი. 1912 წელს, ესპანეთის მეფემ, ალფონსო XIII-მ, კლუბს სამეფო წოდება მიანიჭა. კლუბის სახელს დაემატა „რეალი“ და გახდა „რეალ სპორტინგი ხიხონი“, ხოლო ლოგოზე სამეფო გვირგვინი. 1916 წლიდან კლუბის სრული სახელწოდებაა „Real Sporting de Gijón S.A.D“.

1944 წელს, კლუბი პირველად აღზევდა პრიმერა დივიზიონში. შემდეგში წარმატებულად ასპარეზობდა უმაღლეს დივიზიონში, რამდენიმეჯერ დაქვეითდა სეგუნდა დივიზიონში. 1978-79 წლების სეზონში „სპორტინგმა“ დაიკავა მე-2 ადგილი ჩემპიონატში. კლუბი 2-ჯერ იყო ესპანეთის თასის ფინალისტი, 1981 და 1982 წლებში. ასევე კლუბი 6-ჯერ იყო უეფა-ს თასის გათამაშების მონაწილე. უკანასკნელად ამ ტურნირზე 1991-92 წლების სეზონში გამოდიოდა.

1998 წელს, პრიმერა დივიზიონის მეორე წრის ცუდად ჩატარების გამო „სპორტინგი“ დონით მეორე დივიზიონში დაქვეითდა, სადაც მომდევნო 10 სეზონი გაატარა. 2008 წელს, სეგუნდა დივიზიონში შეძლო მე-3 ადგილის დაკავება და დაბრუნდა უმაღლეს დივიზიონში. 2008-09 წლების სეზონში კლუბმა სენსაციურად დაამარცხა „ვალენსია“ (2-3) და „სევილია (1-0). ჩემპიონატის პირველ 5 ტურში „სპორტინგის“ ფეხბურთელებმა შეძლეს 20 გოლის გატანა. გარდა ამისა ამ სეზონში „წითელ-თეთრებმა“ დაამყარეს რეკორდი, ითამაშეს მხოლოდ 1 ფრე სეზონში.

2011 წლის 2 აპრილს, სანტიაგო ბერნაბეუზე შეძლეს მადრიდის „რეალის“ დამარცხება (1-0), რითიც შეწყვიტეს 9 წლიანი მოუგებელი სერია მადრიდულ კლუბთან. 2011-12 წლების სეზონში კლუბმა დაიკავა მე-19 ადგილი და სეგუნდა დივიზიონში დაქვეითდა.

2014–

2014 წლის 4 მაისს, მთავარ მწვრთნელად დაინიშნა აბელარდო ფერნანდესი, მან ხოსე რამონ სანდოვალი ჩაანაცვლა. მის პირვველ სეზონში, აბელარდომ ვერ შეძლო კლუბის პრიმერა დივიზიონში აყვანა. აღსაზევებელი პლეი-ოფის ნახევარფინალში დამარცხდა „ლას-პალმასთან“.

თუმცა მწვრთნელის კონტრაქტი 2 წლით გაახანგრძლივეს. 2014-15 წლების სეზონისთვის „სპორტინგს“ არ ჰქონდა უფლება შეეძინა ფეხბურთელი სხვა კლუბიდა, მხოლოდ დუბლებიდან შეეძლო დაეწინაურებინა. მიუხედავად ამისა, კლუბი დაბრუნდა პრიმერა დივიზიონში, „წითელ-თეთრების“ 17 მოთამაშე დაწინაურებული იყო დუბლებიდან ან სხვადასხვა ასაკობრივი გუნდებიდან. კლუბმა მხოლოდ 2 მატჩი წააგო სეზონში. ბოლო ტურში „რეალ ბეტისის“ დამარცხების შემდეგ (3-0), კლუბმა გაინაღდა უმაღლეს დივიზიონში თამაში. ამავდროულად უშუალო კონკურენტმა, „ჟირონამ“ „ლუგოსთან“ დათო მატჩი.

2015-16 წლების სეზონში „სპსორტინგმა“ გადასახადების დაგვიანებით გადახდის გამო ისევ მიიღო ტრანსფერების შეზღუდვის სანქცია. კლუბს შეეძლო იჯარით აეყვანა მხოლოდ 3 , 23 წლამდე ფეხბურთელი, რომელსაც არ ჰქონდა პრიმერა დივიზიონში თამაშის გამოცდილება. „წითელ-თეთრებმა“ დაიმატეს ანტონიო სანაბრია „რომადან“, ალენ ჰალილოვიჩი „ბარსელონიდან“ და ომარ მასკარელი „რეალ მადრიდიდან“. მიმდინარე სეზონში კლუბმა გაყიდა 22,906 სეზონური ბილეთი და გააუმჯობესა 1982-83 წლების რეკორდი.

სეზონი დაიწყო მადრიდის „რეალთან“ ფრედ დასრულებული მატჩით, რომელსაც რაფაელ ბენიტესი წვრთნიდა. მიუხედავად არასტაბილური ასპარეზობისა, „სპორტინგმა“ მოიგო მნიშვნელოვანი მატჩები: 1-0 მესტალიაზე „ვალენსიის“ წინააღდეგ, 2-1 მადრიდის „ატლეტიკოსთან“, 5-1 „რეალ სოსიედადთან“. „ხეტაფესთან“ ფრედ (1-1) დასრულებული მატჩის შემდეგ, კლუბმა ბოლო ტურში აიცილა დაქვეითება „ვილიარეალის“ დამარცხებით და გამოიყენა „რეალ ბეტისის“ „ხეტაფესთან“ გამარჯვებით მიღებული უპირატესობა.

„სპორტინგმა“ სეზონი დაარულა 23,400 სეზონური ბილეთის გაყიდვით, რეკორდი გააუმჯობესა 2016 წლის აგვისტოში, 24,078 ბილეთის გაყიდვით. აბელარდოს ერა დასრულდა 2017 წლის იანვარში. 15 მატჩში მხოლოდ 5 ქულის დაგროვების შემდეგ მან კლუბი დატოვა.

ეროვნული

• პრიმერა დივიზიონი: მე-2 ადგილი, 1978/79
• ესპანეთის თასი: ფინალისტი, 1981, 1982
• სეგუნდა დივიზიონი: ჩემპიონი, 1943/44, 1950/51, 1956/57, 1969/70, 1976–/; ფინალისტი: 1929/30, 2014/15

ინდივიდუალური

პიჩიჩი

• პრიმერა დივიზიონი: კინი (3) (1973/74, 1975/76, 1979/80)
• სეგუნდა დივიზიონი: რიკარდო ბაილაჩი (1956/57), ფრანსისკო სოლაბარიეტა (1966/67), კინი (2) (1969/70, 1976/77)

სამორა

• პრიმერა დივიზიონი: ხუან კარლოს აბლანედო (3) (1984/85, 1985/86, 1989/90)
• სეგუნდა დივიზიონი: რობერტო ფერნანდეს ალვარელიოსი (2005/06), ივან კუელიარი (2014/15)

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.

№ პოზიცია ქვეყანა მოთამაშე 1 მეკარე   ესპანეთი ივან კუელიარი 2 მცველი   ბრაზილია დუგლასი 3 მცველი   მარტინიკა ჟან-სილვიენ ბაბენი 4 მცველი   ესპანეთი ხორხე მერე 5 მცველი   ვენესუელა ფერნანდო ამორებიეტა 6 ნახევარმცველი   ესპანეთი სერხიო ალვარესი 7 ნახევარმცველი   ესპანეთი ვიქტორ როდრიგესი 8 თავდამსხმელი   კოტ-დ’ივუარი ლასინა ტრაორე 9 თავდამსხმელი   ესპანეთი კარლოს კასტრო 10 ნახევარმცველი   ესპანეთი ნაჩო კასესი 11 მცველი   ესპანეთი ალბერტო ლორა (კაპიტანი) 12 მცველი   ნიგერია ელდერსონ ეჩიჯელე 13 მეკარე   ესპანეთი დიეგო მარინო

№ პოზიცია ქვეყანა მოთამაშე 14 ნახევარმცველი   ესპანეთი ბურგუი 15 მცველი   ესპანეთი რობერტო კანელია 16 მცველი   ესპანეთი ლილიო 17 თავდამსხმელი   კატარი აკრამ აფიფი 18 მცველი   ესპანეთი ისმა ლოპესი 19 ნახევარმცველი   ესპანეთი კარლოს კარმონა 20 ნახევარმცველი   კამერუნი დანი ნდი 21 ნახევარმცველი   ესპანეთი ხავი ტორესი 22 ნახევარმცველი   ესპანეთი მიკელ ვესხა 23 ნახევარმცველი   ესპანეთი მოი გომესი 24 თავდამსხმელი   ხორვატია დუე ჩოპი 25 თავდამსხმელი   ესპანეთი ბორხა ვიგუერა 30 მეკარე   ესპანეთი ოსკარ ვალეი

„სპორტინგმა“ მონაწილეობა მიიღო უეფა-ს თასის 6 გათამაშებაში, მხოლოდ 2-ჯერ დაძლია პირველი ეტაპი.

სეზონი	ტურნირი	ეტაპი	მეტოქე	შინ	გასვლითი	ჯამში
1978-79	უეფა-ს თასი	1/32	ტორინო	3–0	0–1	3–1
		1/16	ცრვენა ზვეზდა	0–1	1–1	1–2
1979-80		1/32	პსვ ეინდჰოვენი	0–0	0–1	0–1
1980-81		1/32	ბოჰემიანსი 1905	2–1	1–3	3–4
1985-86		1/32	კელნი	1–2	0–0	1–2
1987-88		1/32	მილანი	1–0	0–3	1–3
1991-92		1/32	პარტიზანი ბელგრადი	2–0	0–2	2–2
		1/16	სტიაუა ბუქარესტი	2–2	0–1	2–3

• ოფიციალური საიტი
• სპორტინგი ხიხონი Twitter-ზე
• კლუბის პროფილი Soccerway-ზე
• კლუბის პროფილი Transfermarket-ზე