მამუკა (უშანგი) მამულაშვილი (დ.
22 აპრილი, 1978, თბილისი) — ქართველი სამხედრო, მოხალისე, უკრაინაში ქართული ლეგიონის მეთაური. ნონა მამულაშვილის ძმა.
მამუკა მამულაშვილი | |
---|---|
ეროვნება | ქართველი |
დაბადების თარიღი | 22 აპრილი, 1978 |
დაბადების ადგილი | თბილისი, საქართველოს სსრ, სსრკ |
კუთვნილება | საქართველოს სახმელეთო ჯარები (1993) (2008) უკრაინის სახმელეთო ჯარები (2016-დღემდე) |
სამხედრო სამსახურის წლები | საქართველო (1993) ჩეჩნეთის რესპუბლიკა იჩქერია (1994-1996) საქართველო (2008) უკრაინა (2014-დღემდე) |
წოდება | ვიცე-პოლკოვნიკი |
მეთაურობდა | ქართული ლეგიონი (უკრაინა) |
ბრძოლები/ომები | აფხაზეთის ომი |
ჯილდოები |
|
მამუკა მამულაშვილი დაიბადა 22 აპრილს, 1978 წელს თბილისში. მისი მამა იყო ქართველი სამხედრო ოფიცერი ზურაბ მამულაშვილი.
მამულაშვილი საქართველოსთვის იბრძოდა აფხაზეთის ომში (1992-1993) 14 წლის ასაკში მამამისთან ერთად, რომელიც ქართველი სამხედრო ოფიცერი იყო. მამულაშვილი მოგვიანებით იხსენებს: „ჩემი პირველი ომი იყო 1990-იან წლებში, აფხაზეთში“. ომის დროს ტყვედ ჩაუვარდა აფხაზურ ძალებს, გაათავისუფლეს სამი თვის შემდეგ.
მამულაშვილი ჩეჩნეთის პირველ ომში (1994-1996) რუსეთის ძალების წინააღმდეგ უცხოელ მოხალისედ იბრძოდა.
ჩეჩნეთის პირველი ომის შემდეგ მამულაშვილი სწავლის დასამთავრებლად პარიზში გაემგზავრა. შემდეგ ის საქართველოში დაბრუნდა და მსახურობდა საქართველოს პრეზიდენტ მიხეილ სააკაშვილის უფროს სამხედრო მრჩევლად.
მამულაშვილი საქართველოსთვის იბრძოდა 2008 წლის რუსეთ-საქართველოს ომში.
მამულაშვილი უკრაინაში 2013 წელს გადავიდა მაიდანის რევოლუციის მხარდასაჭერად.
2014 წელს მამულაშვილი ქართული ლეგიონის ერთ-ერთი დამფუძნებელი წევრი იყო.
This article uses material from the Wikipedia ქართული article მამუკა მამულაშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.