ივანკა მარი ტრამპი (ინგლ.
30 ოქტომბერი 1981, მანჰეტენი, ნიუ-იორკი, აშშ) — ამერიკელი ბიზნესმენი და ყოფილი მოდელი. ამერიკელი დეველოპერის და აშშ-ის პრეზიდენტის, დონალდ ტრამპის და ყოფილი ჩეხი მოდელის ივანა ტრამპის ქალიშვილია. ასევე ივანკა „The Trump Organization“-ის აღმასრულებელი ვიცე-პრეზიდენტია, რომელიც მამამისის კომპანიაა, სადაც მისი სამუშაო ორიენტირებულია კომპანიის უძრავი ქონების და სასტუმროების მართვაში.
ივანკა ტრამპი Ivanka Trump | |
---|---|
ივანკა ტრამპი 2020 წელს | |
დაბადების სახელი | Ivanka Marie Trump (ივანკა მარი ტრამპი) |
დაბადების თარიღი | 30 ოქტომბერი, 1981 მანჰეტენი, ნიუ-იორკი აშშ |
რეზიდენცია | მანჰეტენი, ნიუ-იორკი, აშშ |
სხვა სახელები | ივანკა კუშნერი |
ეროვნება | ამერიკელი |
განათლება | მეცნიერების ბაკალავრი |
ალმა-მატერი | პენსილვანიის უნივერსიტეტი |
საქმიანობა | ბიზნესმენი, ავტორი, მოდელი |
აქტიური | 1997-დან დღემდე |
ცნობილია როგორც | აღმასრულებელი ვიცე-პრეზიდენტი The Trump Organization |
სიმაღლე | 1.80 მ |
პარტია | დამოუკიდებელი |
რელიგია | თანამედროვე მართლმადიდებელი იუდაიზმი (ადრე პრესვიტერიანი) |
მეუღლე(ები) | ჯარედ კუშნერი (2009-დან) |
შვილ(ებ)ი | 3 |
მშობლები | მამა: დონალდ ტრამპი დედა: ივანა ზელნიჩკოვა |
ნათესავები |
|
საიტი | ivankatrump.com |
ივანკა მარი ტრუმპი დაიბადა მანჰეტენზე, ნიუ-იორკის რაიონში, ატლეტისა და მოდელის ივანა მარი (ზელნიჩკოვა) და ამერიკული ბიზნესმენის დონალდ ჯონ ტრამპის ოჯახში. ტრამპების ოჯახი გერმანული წარმოშობისაა, წარმოშობით კალშტადიდან. სახელი ივანკა, ივანას შემოკლებული ფორმაა. ივანკას მშობლები განქორწინდნენ 1991 წელს, როდესაც ის ცხრა წლის იყო. მას ჰყავს ორი ძმა, დონალდი და ერიკი, ასევე ნახევარდა ტიფანი და ნახევარძმა, ბარონი.
ტრამპი, 15 წლამდე სწავლობდა „ჩაპინის სკოლაში“, მანჰეტენზე, ხოლო შემდეგ, სასწავლებლად გადავიდა Choate Rosemary Hall-ში, კონექტიკუტის შტატის ქალაქ ვალინგფორდში, სადაც იქაურობას ახასიათებს, როგორც „სკოლა-პანსიონს“ და ადარებს „ციხეს“, როდესაც მისი „მეგობრები ნიუ-იორკში ერთობოდნენ“.
Choate დამთავრების შემდეგ, ორი წლის განმავლობაში სწავლობდა ჯორჯთაუნის უნივერსიტეტში, ამის შემდეგ კი პენსილვანიის უნივერსიტეტი ვარტუნის ბიზნესის სკოლაში, რომელიც მან 2004 წელს, ეკონომიკაში ბაკალავრის ხარისხით დაამთავრა.
ტრამპი ფლობს ინგლისურ და ფრანგულ ენებს. მისი ძმისგან, დონალდ უმცროსისგან, განსხვავებით, ის მხოლოდ ელემენტარულ დონეზე ფოლბს დედამისის მშობლიურ ენას, ჩეხურს.
საოჯახო ბიზნესში მოსვლამდე, ივანკა მოკლე დროის მანძილზე მუშაობდა Forest City Enterprises-ში. 2007 წელს, ის წარმატებით შეუერთა ალმასის გამყიდველების ძალები, Dynamic Diamond Corp., და შექმნა თავისი საიუველირო კომპანია Ivanka Trump Fine Jewelry, რომელიც ფოკუსირებულია ალმასის და ოქროს სამკაულების გაყიდვაში, ხოლო მისი პირველი საცალო მაღაზია მანჰეტენზე გაიხსნა. 2011 წლის ნოემბერში, ტრამპის საცალო ფლაგმანი გადაინაცვლა მედისონ ავენიუდან მერცერის ქუჩის 109-ში, უფრო დიდი სივრცე, სოჰოს მოდურ რაიონში. 2016 წლის ოქტომბრის მონაცემებით, რომელიც ტრამპ-ტაუერის ოფიციალურ ვებ-გვერდზეა მოცემული, ივანკას ფლაგმანი ბუტიკები, ასევე მისი ერთადერთი საცალო მაღაზია და ბრენდის საიუველირო მაღაზიები ხელმისაწვდომია მთელს აშშ-ში და კანადაში, ისევე როგორც ბაჰრეინში, ქუვეითში, ყატარში, საუდის არაბეთში და არაბეთა გაერთიანებულ საემიროებში.
ივანკა ტრამპი ამ დროისთვის Trump Organization-ის აღმასრულებელი ვიცე-პრეზიდენტია, განვითარების ნაწილში. ერთ-ერთ გამოსვლის დროს, ივანკამ განაცხადა, რომ „მე ვუყურებ ჩემ ძმებს და ჩემ თავს და მე ნამდვილად ვამაყობ, რომ არავინ არის ... ნარკომანი და არავინ დასდევს ქალებს“. ტრამპი 100 Women in Hedge Funds საბჭოს წევრია, ინდუსტრიული ორგანიზაცია, რომელიც უზრუნველყოფს პროფესიონალ ქალთა მხარდაჭერას ფინანსებში.
ტრამპს აქვს საკუთარი მოდის ნივთების ხაზი, მათ შორის ტანსაცმლის, ჩანთების, ფეხსაცმლის და აქსესუარების, რომელიც ხელმისაწვდომია აშშ-ის დიდ მაღაზიებში. მისი ბრენდი გააკრიტიკეს იმის გამო, რომ ის თითქოს მოიპარა სხვა დიზაინერებს დიზაინი, ასევე PETA-მ გააკრიტიკა ცხოველთა უფლებების დარღვევის გამო, სადაც ის იყენებს კურდღლების ბეწვს. 2016 წელს, აშშ-ის სამომხმარებლო პროდუქტის უსაფრთხოების კომისიამ აკრძალა „Ivanka Trump“-ბრენდირებული შარფები, რადგან ისინი არ აკმაყოფილებდნენ ფედერალურ სტანდარტებს. 2016 წლის ანალიზის დროს აღმოჩნდა, რომ ივანკას მოდის ხაზის პროდუქციის უმეტესი ნაწილი წარმოებულია აშშ-ის ფარგლებს გარეთ.
This article uses material from the Wikipedia ქართული article ივანკა ტრამპი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.