თორნიკე რიჟვაძე (დ.
25 მარტი, 1989, ხულო) — ქართველი სამართალმცოდნე, აჭარის ავტონომიური რესპუბლიკის მთავრობის თავმჯდომარე 2018 წლის 21 ივლისიდან.
თორნიკე რიჟვაძე | |
აჭარის ავტონომიური რესპუბლიკის მთავრობის თავმჯდომარე | |
---|---|
ამჟამინდელი თანამდებობა | |
დაიკავა | 21 ივლისი, 2018 |
პრეზიდენტი | გიორგი მარგველაშვილი, სალომე ზურაბიშვილი |
წინამორბედი | ზურაბ პატარაძე |
დაბადებული | 25 მარტი, 1989 ხულო |
მოქალაქეობა | საქართველო |
ეროვნება | ქართველი |
მამა | დავით რიჟვაძე |
დედა | ელიზაბეტ რიჟვაძე |
თორნიკე რიჟვაძე დაიბადა 1989 წლის 25 მარტს, დაბა ხულოში.
თორნიკე რიჟვაძე 2006-2007 წლებში იყო აშშ-ს სახელმწიფო დეპარტამენტის მომავალ ლიდერთა გაცვლითი პროგრამის (FLEX) სტიპენდიანტი, სადაც მიიღო პასო რობლეს საშუალო სკოლის დიპლომი (კალიფორნია, აშშ). 2007-2011 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტში, რომელიც დაამთავრა სამართლის ბაკალავრის სპეციალობით; არის 2010 წლის პირდაპირი უცხოური ინვესტიციების იმიტირებული სასამართლო პროცესის მონაწილე (პეპპერდინის უნივერსიტეტი, მალიბუ, კალიფორნია); 2011-2014 წლებში სწავლობდა ბათუმის სახელმწიფო უნივერსიტეტში, რომელიც დაამთავრა ბიზნესის მაგისტრის, საერთაშორისო ბიზნესის სპეციალიზაციით; 2012 წელს სწავლობდა ლიჰაის უნივესტიტეტში (პენსილვანია, აშშ). არის ლი იაკოკას და აშშ-ს სახელმწიფო დეპარტამენტის სტიპენდიანტი - The Global Village for Future Leaders of Business and Industry; Exclusive Leadership Program; 2012-2013 წლებში სწავლობდა სიტის უნივერსიტეტში, ლონდონში (ბრიტანეთის საგარეო საქმეთა სამინისტროს ჩივინგის პროგრამის სტიპენდიანტით), რომელიც დაამთავრა სამართლის მაგისტრის სპეციალობით, LLM- საერთაშორისო ბიზნეს სამართალი. დისერტაცია: „Project finance: Does it really eliminate agency problems or promote opportunistic behavior? The Case of Eurotunnel”.
2015 წელს ჩააბარა კიევის ტარას შევჩენკოს სახელობის ეროვნულ უნივერსიტეტში, უნივერსიტეტის საერთაშორისო ფაკულტეტზე, დოქტორანტურაზე; 2017 წელს კი ოჯახური გარემოების გამო, საკუთარი ნებით გაირიცხა და ვერ დაასრულა სწავლა. ინფორმაცია ამის შესახებ თავად უნივერსიტეტმა მას შემდეგ გაავრცელა, რაც 2022 წლის 7 მარტს თორნიკე რიჟვაძემ ტვ პირველის ჟურნალისტის კითხვის პასუხად, ვინ დაიწყო ომი — რუსეთმა თუ უკრაინამ, თქვა, რომ ეს დარგის ექსპერტებმა იციან.
2017 წლიდან სწავლობდა ფლორენციის რეგულირების სკოლაში - ენერგო სექტორის რეგულირებაზე.
2018 წლის 21 ივლისიდან აჭარის ავტონომიური რესპუბლიკის მთავრობის თავმჯდოამარეა; 2017 წლის 26 დეკემბერამბრიდან იყო სს „საქართველოს ენერგეტიკის განვითარების ფონდის“ დირექტორი; 2017 წლის 24 ივლისიდან 2017 წლის 15 დეკემბრამდე იყო ენერგეტიკის მინისტრის მოადგილე; 2013-2017 წლებში შპს აჭარისწყალი ჯორჯია (TATA POWER, CLEAN ENERGY INVEST, IFC -ის ერთობლივი საწარმო), იურიდიული დირექტორი (2015-2017), იურიდიული მრჩეველი (2013-2015); 2014-2016 წლებში აჭარის ა.რ. მთავრობის ეკონომიკური საბჭო, მრჩეველი საინვესტიციო და ეკონომიკურ საკითხებში; 2011-2012 წლებში „ოუფენ რევოლუშენ ჯორჯია”, აჭარის რეგიონალური მენეჯერი; 2010-2011 წლებში გაეროს მიგრაციის საერთაშორისო ორგანიზაცია, ბიზნეს კონსულტანტი/დამსაქმებლებთან ურთიერთობის კოორდინატორი; 2007–2013 წლებში სამეწარმეო და საკონსულტაციო საქმიანობა, დონორების დაფინანსებული პროექტების მენეჯმენტი (EBRD-ის მცირე და საშუალო ბიზნესის ხელშეწყობის (TAM BAS) პროგრამა) 2012-2013 წლებში გაიარა სტაჟირება ფინანსური ინოვაციების შემსწავლელ ცენტრში (CSFI), ლონდონი; 2008-2009 წლებში გაიარა სტაჟირება სი-ეიჩ-ეფ ინთერნეიშენალ (CHF International, USAID programme).
წინამორბედი: ზურაბ პატარაძე | აჭარის ავტონომიური რესპუბლიკის მთავრობის თავმჯდომარე 2018-დღემდე | შემდეგი: — |
This article uses material from the Wikipedia ქართული article თორნიკე რიჟვაძე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.