ვალერიან პიდმოჰილნი: უკრაინელი მწერალი
ვალერიან პეტროვიჩ პიდმოგილნი (უკრ: Валер'ян Петрович Підмогильний; დ.
2 თებერვალი, 1901 ― გ. 3 ნოემბერი, 1937) ― უკრაინელი რომანისტი, მთარგმნელი. ცნობილია რეალისტური რომანით „ქალაქი“. სტალინური რეპრესიის მსხვერპლი.
| ვალერიან პიდმოგილნი | |
|---|---|
| უკრ. Валер'ян Петро́вич Підмоги́льний | |
 | |
| დაბადების თარიღი | 20 იანვარი (2 თებერვალი), 1901[1] |
| დაბადების ადგილი | Pysarivka[2] |
| გარდაცვალების თარიღი | 3 ნოემბერი, 1937 (36 წლის) |
| გარდაცვალების ადგილი | სოლოვეცკის კუნძულები |
| დასაფლავებულია | სანდარმოხი |
| საქმიანობა | ლექსიკოგრაფი, ენათმეცნიერი, მწერალი და მთარგმნელი |
| ენა | უკრაინული ენა და ფრანგული ენა |
| მოქალაქეობა | .svg){kind=small} სსრკ |
| ალმა-მატერი | ოლეს ჰონჩარის სახელობის დნიპროს ეროვნული უნივერსიტეტი |
| ჟანრი | რომანი, მოთხრობა და მოკლე რომანი |
| Magnum opus | ქალაქი |
| ხელმოწერა |  |
ბიოგრაფია
ვალერიან პიდმოგილნი 1901 წლის 2 თებერვალს ეკატერინოსლავის გუბერნიაში (დღევანდელი დნეპროპეტროვსკის ოლქი, უკრაინა) დაიბადა. ფრანგული ენა ადრეულ ასაკშივე ისწავლა და ფრანგული ლიტერატურის არაერთი ნიმუში უკრაინულად თარგმნა, განსაკუთრებით, ანატოლ ფრანსისა და გი დე მოპასანის ნაწარმოებები. 14 წლის ასაკში მისი ოჯახი სოფელ ჩაპლიში გადასახლდა.
1919-1920 წლებში სახალხო განათლების მხატვრული პროპაგანდის განყოფილების მდივნად მუშაობდა. ივან ფრანკოს სახელობის სკოლაში მათემატიკას ასწავლიდა, ხოლო 1920-1921 წლებში პავლოგრადში ასწავლიდა.
1921 წელს კიევში გადავიდა, სადაც წიგნის პალატის ბიბლიოგრაფად მუშაობდა. 1921-1923 წლებში ვორზელში უკრაინულ ენასა და პოლიტიკას ასწავლიდა.
1927 წელს პიდმოგილნის რომანი „ქალაქი“ დაიბეჭდა, რამაც ავტორს პოპულარობა მოუპოვა. ნაწარმოები რუსულ ენაზე ითარგმნა. სტალინური რეპრესიების დროს, საბჭოთა სისტემისადმი დამოკიდებულების გამო პიდმოგილნის ნაწარმოებების დაბეჭდვა უფრო და უფრო გაუჭირდა. 1934 წელს დააპატიმრეს. აბსურდულ ბრალდებებზე ხელის მოწერის შემდეგ სოლოვკის ტყვეთა ბანაკში გაგზავნეს. 1937 წლის 3 ნოემბერს სანდარმოხში დახვრიტეს.
რეაბილიტირებულ იქნა 1956 წელს.
რესურსები ინტერნეტში
სქოლიო
This article uses material from the Wikipedia ქართული article ვალერიან პიდმოჰილნი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.