დავით ქევხიშვილი: ქართველი ძიუდოისტი

5 იანვარი, 1983 ახალსოფელი, ახლანდ. ყვარლის მუნიციპალიტეტი) — ქართველი სპორტსმენი, ძიუდოისტი.

დაამთავრა თბილისის სახელმწიფო უნივერსიტეტის იურიდიული ფაკულტეტი წითელ დიპლომზე. საქართველოს ძიუდოისტთა ეროვნული ნაკრების წევრი, 2004-2008 წლებში იყო ნაკრების კაპიტანი. არის ევროპისა და მსოფლიოს ჩემპიონი და პრიზიორი, 2004 წლის ათენის ოლიმპიადის მონაწილე (VII ადგილი). ღირსების ორდენის კავალერი.

2012 წლის 1 ოქტომბრიდან 2014 წლის 25 აპრილამდე ყვარლის მუნიციპალიტეტის გამგებელი. 2014 წლის 25 აპრილს, პოლიციამ ყვარლის გამგებელი დავით ქევხიშვილი და მასთან ერთად კიდევ 17 პირი, ძირითადად „ქართული ოცნების“ აქტივისტები წვრილმანი ხულიგნობის ბრალდებით 2014 წლის 25 აპრილს დილით დააკავა. ამავე დროს, საკრებულოს წევრებმა დახურული სხდომა გამართეს და გამგებელი თანამდებობიდან გაათავისუფლეს.

2014 4 ნოემბერს გურჯაანის რაიონულმა სასამართლომ უკანონოდ ცნო ყვარლის მუნიციპალიტეტის საკრებულოს გადაწყვეტილება, გამგებელ დავით ქევხიშვილის თანამდებობიდან გადაყენების თაობაზე. 2012 წლის 10 დეკემბრიდან საქართველოს ძიუდოს ფედერაციის პრეზიდენტია.

• ბიოგრაფია ^{[მკვდარი ბმული]}
• გაიცანი შენი კანდიდატი: დავით ქევხიშვილი
• დავით ქევხიშვილი^{[მკვდარი ბმული]} — ქართული სპორტი